పేదల సంక్షేమానికి ప్రభుత్వం కట్టుబడి ఉంది ఎంపీ చామల కిరణ్ కుమార్ రెడ్డి, కలెక్టర్ హైమావతి

సిద్దిపేట , : పేదల సంక్షేమానికి ప్రభుత్వం కట్టుబడి ఉందని, అర్హులైన ప్రతి ఒక్కరికీ ప్రభుత్వ సంక్షేమ పథకాల ఫలాలు అందేలా చర్యలు తీసుకుంటామని భువనగిరి పార్లమెంట్ సభ్యుడు చామల కిరణ్ కుమార్ రెడ్డి తెలిపారు.సోమవారం సిద్దిపేట కలెక్టరేట్‌లో నిర్వహించిన కార్యక్రమంలో ఎంపీ చామల కిరణ్ కుమార్ రెడ్డి, జిల్లా కలెక్టర్ హైమావతి ముఖ్య అతిథులుగా పాల్గొన్నారు. ఈ సందర్భంగా ధూళ్‌మిట్ట మండలం జలపల్లి గ్రామానికి చెందిన 14 మంది లబ్ధిదారులకు డబుల్ బెడ్‌రూమ్ (2బీహెచ్‌కే) ఇళ్ల పట్టాల సర్టిఫికెట్లను పంపిణీ చేశారు.అనంతరం ప్రజలకు సంబంధించిన పలు సమస్యలపై చర్చించారు. అర్హులైన పేదలకు ప్రభుత్వ సంక్షేమ పథకాల ద్వారా ప్రయోజనం చేకూర్చేందుకు కృషి చేస్తామని ఎంపీ తెలిపారు. ప్రజా సమస్యల పరిష్కారానికి అధికారులు సమన్వయంతో పనిచేయాలని సూచించారు.ఈ కార్యక్రమంలో మాజీ జెడ్పీటీసీ కొండల్ రెడ్డి, సర్పంచులు కరుణాకర్, కొమ్ము రవి, కొమ్ము నర్సింగరావు, సంబంధిత అధికారులు, లబ్ధిదారులు పాల్గొన్నారు.