కామారెడ్డి ఇందిరాగాంధీ స్టేడియాన్ని క్రికెట్ అభివృద్ధికి కేంద్రంగా తీర్చిదిద్దుతాం - ప్రభుత్వ సలహాదారు మహమ్మద్ అలీ షబ్బీర్
సూర్య కామారెడ్డి జిల్లా ప్రతినిధి : కామారెడ్డి పట్టణంలోని ఇందిరాగాంధీ స్టేడియాన్ని క్రికెట్ క్రీడాభివృద్ధికి అనువుగా తీర్చిదిద్ది, స్థానిక యువతకు మెరుగైన క్రీడా సౌకర్యాలు అందుబాటులోకి తీసుకురావడమే లక్ష్యంగా చర్యలు చేపడుతున్నామని తెలంగాణ ప్రభుత్వ సలహాదారు మహమ్మద్ అలీ షబ్బీర్ అన్నారు.సోమవారం కామారెడ్డి పట్టణంలోని ఇందిరాగాంధీ స్టేడియాన్ని హైదరాబాద్ హెచ్ సి ఏ క్రికెట్ అసోసియేషన్ కార్యదర్శి జీవన్ రెడ్డి, హెచ్సీఏ సీఈఓ ఇంతియాజ్ ఖాన్‌లతో కలిసి ప్రభుత్వ సలహాదారు మహమ్మద్ అలీ షబ్బీర్ మరియు జిల్లా కలెక్టర్ అసిస్ సంగ్వాన్ పరిశీలించారు.స్టేడియంలోని ప్రస్తుత సౌకర్యాలు, క్రికెట్ ప్రాక్టీస్‌కు అవసరమైన మౌలిక వసతులు, పిచ్ నిర్మాణం, ప్రాక్టీస్ నెట్స్ ఏర్పాటు తదితర అంశాలను పరిశీలించి, క్రికెట్ అభివృద్ధికి తీసుకోవాల్సిన చర్యలపై చర్చించారు.
- ప్రవేట్ కోచ్ ల ఏర్పాటుకు కృషి చేస్తాం -హెచ్సీఏ కార్యదర్శి జీవన్ రెడ్డి
హెచ్సీఏ కార్యదర్శి జీవన్ రెడ్డి మాట్లాడుతూ ప్రభుత్వ సలహాదారు మహమ్మద్ అలీ షబ్బీర్ సూచనల మేరకు కామారెడ్డి ఇందిరాగాంధీ స్టేడియంలో వారం రోజుల్లోగా ప్రైవేట్ క్రికెట్ కోచ్‌లను నియమించేందుకు చర్యలు తీసుకుంటున్నామని తెలిపారు. క్రికెట్ ప్రాక్టీస్ కోసం మూడు నెట్స్ ఏర్పాటు చేయడంతో పాటు, అవసరమైన క్రికెట్ సామగ్రిని స్టేడియానికి అందజేస్తామని చెప్పారు..ఈ కార్యక్రమంలో పట్టణ కాంగ్రెస్ అధ్యక్షులు ఐరేని సందీప్, జిల్లా గ్రంథాలయ చైర్మన్ చంద్రకాంత్ రెడ్డి పీసీసీ జనరల్ సెక్రెటరీ ఇంద్రకరణ్ రెడ్డి , మున్సిపల్ చైర్మన్ ఇప్ప ఉమా శ్రీనివాస్, గూడెం శ్రీనివాస్ రాజా గౌడ్, రెడ్డి నాయక్, భూమని బాలరాజ్, గోనె శ్రీనివాస్, మున్సిపల్ కౌన్సిలర్లు కో ఆప్షన్ సభ్యులు కాంగ్రెస్ నాయకులు కార్యకర్తలు తదితరులు పాల్గొన్నారు.
