సర్పంచ్ పెరుక సరిత- రామచంద్రo ఆధ్వర్యంలో విద్యార్థులకు స్కూల్ బ్యాగులు, షూస్, డైరీలు, డిక్షనరీలను అందజేశారు

కోహెడ ; కోహెడ మండలంలోని టీజీ మోడల్ స్కూల్లో రాష్ట్ర ముఖ్యమంత్రి రేవంత్ రెడ్డి విద్యాభివృద్ధికి ఎంతో కృషి చేస్తున్నారని, విద్యార్థులు ప్రభుత్వం అందిస్తున్న సౌకర్యాలను వినియోగించుకుని ఉన్నత శిఖరాలకు ఎదగాలని పీఎం శ్రీ టీజీ మోడల్ స్కూల్ ప్రిన్సిపాల్ సిహెచ్ రవీందర్ అన్నారు. మండలంలోని నాగసముద్రాల గ్రామంలోని పీఎం శ్రీ టీజీ మోడల్ స్కూల్ లో రాష్ట్ర ప్రభుత్వం ఉచితంగా అందిస్తున్న స్కూల్ బ్యాగులు, షూస్, డైరీలు, డిక్షనరీలను గ్రామ సర్పంచ్ పెరుక సరిత- రామచంద్రంతో కలిసి అందజేశారు. ఈ సందర్భంగా ప్రిన్సిపాల్ మాట్లాడుతూ రాష్ట్ర ముఖ్యమంత్రి రేవంత్ రెడ్డి పాఠశాల విద్య బలోపేతానికి ఉచితంగా టిఫిన్, మధ్యాహ్న భోజనం తోపాటు విద్యార్థులకు అవసరమైన బ్యాగులు, షూస్ వంటి ఉపయోగకరమైన వస్తువులు అందజేయడం ఎంతో సంతోషకరమన్నారు. విద్యార్థులు వినియోగించుకొని ఉన్నత శిఖరాలకు ఎదగాలని ఆకాంక్షించారు. అనంతరం సర్పంచ్ పెరుక సరిత - రామచంద్రం మాట్లాడుతూ విద్యార్థులు క్రమశిక్షణతో చదువుకోవాలని, సూపర్ ఎల్ నినో ప్రభావం ఉన్నందున నీటిని, విద్యుత్ ను పొదుపుగా వాడుకోవాలని సూచించారు. ఈ కార్యక్రమంలో ఏఏపి చైర్మెన్ వరలక్ష్మి, ఉపాధ్యాయులు, విద్యార్థులు పాల్గొన్నారు.