అక్రమ నిర్మాణాలకు అడ్డూ అదుపు లేదా?
అక్రమ నిర్మాణాలకు అడ్డూ అదుపు లేదా?
ఆదిభట్ల సర్కిల్ తొర్రూరు డివిజన్‌ పరిధిలోని బ్రాహ్మణపల్లి గ్రామానికి వెళ్లే దారిలో అక్రమ నిర్మాణాలు జోరుగా సాగుతున్నాయనే ఆరోపణలు వినిపిస్తున్నాయి. అక్రమ నిర్మాణాలపై వెంటనే చర్యలు తీసుకోవాలని ఆదేశాలు ఉన్నప్పటికీ, క్షేత్రస్థాయిలో అధికారులు పట్టించుకోవడం లేదన్న విమర్శలు వ్యక్తమవుతున్నాయి. దీంతో జీహెచ్‌ఎంసీ ఆదాయానికి భారీగా గండి పడుతున్నట్లు స్థానికంగా చర్చ జరుగుతోంది. ఇప్పటికైనా సంబంధిత అధికారులు స్పందించి నిర్మాణాలపై క్షేత్రస్థాయిలో విచారణ చేపట్టి, నిబంధనలకు విరుద్ధంగా ఉన్న వాటిపై చర్యలు తీసుకోవాలని స్థానికులు కోరుతున్నారు.
సర్కిల్ డిప్యూటీ కమీషనర్ సత్యనారాయణ రెడ్డి : అనుమతులకు విరుద్ధంగా నిర్మించే అక్రమ నిర్మాణాలను ఉపేక్షించేది లేదని ఆదిభట్ల సర్కిల్ డిప్యూటీ కమీషనర్ సత్యనారాయణ రెడ్డి అన్నారు.“సర్కిల్ పరిధిలో అక్రమ నిర్మాణాలపై అందిన ఫిర్యాదులపై క్షేత్రస్థాయిలో పరిశీలించి, నిబంధనలకు విరుద్ధంగా ఉన్న నిర్మాణాలపై చట్టప్రకారం చర్యలు తీసుకుంటామన్నారు.
ఎడ్ల వెంకటేష్ గౌడ్, మేజర్ న్యూస్, తుర్కయంజాల్.
