andhrapradesh
విద్యుత్ షాక్‌తో యువ మెకానిక్ దుర్మరణం..!
పొదలకూరు,నెల్లూరు, మేజర్ న్యూస్ : నెల్లూరు జిల్లా పొదలకూరు పట్టణంలో విషాదకర ఘటన చోటుచేసుకుంది. స్థానిక యమహా షోరూంలో పనిచేస్తున్న యువ మెకానిక్ విద్యుత్ షాక్‌కు గురై మృతి చెందాడు. ఈ ఘటన స్థానికంగా కలకలం రేపింది. పోలీసుల వివరాల ప్రకారం.. నెల్లూరు నగరంలోని డైకస్ రోడ్డు ఎన్‌సీసీ కాలనీకి చెందిన మోహిద్ (29) పొదలకూరులోని యమహా షోరూంలో మెకానిక్‌గా పనిచేస్తున్నాడు. ఈ క్రమంలో విద్యుత్ షాక్‌కు గురై ప్రాణాలు కోల్పోయాడు.
ఘటనా స్థలంలో పోలీసుల విచారణ..
సమాచారం అందుకున్న పొదలకూరు ఎస్సై శివ రాకేష్ ఘటనా స్థలానికి చేరుకుని పరిస్థితిని పరిశీలించారు. మృతుడి వివరాలను సేకరించిన పోలీసులు, విద్యుత్ షాక్‌కు గల కారణాలపై ఆరా తీస్తున్నారు. ఈ ఘటనపై కేసు నమోదు చేసి దర్యాప్తు చేపట్టినట్లు ఎస్సై శివ రాకేష్ తెలిపారు. యువ మెకానిక్ అకాల మరణంతో విషాదం నెలకొంది.
