బిర్యానీ తినిపించారు.. జ్యూస్ కలపిచ్చారు షరణి మాస్ ప్లాన్‌కి నెల్లూరు షేక్
నెల్లూరు, మేజర్ న్యూస్ : రాజకీయాల్లో సరికొత్త రికార్డులు తిరగరాస్తూ, మంత్రి నారాయణ కుమార్తె షరణి అడుగుపెట్టిన ప్రతి వీధిలోనూ పండుగ వాతావరణం సృష్టిస్తుంటే.. ప్రజల మనసులను గెలుచుకుని ఓట్లు రాబట్టే ఆమె వినూత్న శైలి ఇప్పుడు జిల్లా వ్యాప్తంగా సంచలనం సృష్టిస్తోంది..మేయర్ అభ్యర్థి రూప్ కుమార్ యాదవ్ ని, కూటమి అభ్యర్థులను తిరుగులేని భారీ మెజారిటీతో గెలిపించడమే లక్ష్యంగా డివిజన్లను చుట్టేస్తూ. తానే స్వయంగా గిడ్డంగి వీధి హోటల్‌లో ఘుమఘుమలాడే బిర్యానీ వడ్డించి అందరినీ ఆశ్చర్యపరచడమే కాకుండా అబ్బా.. బిర్యానీ సూపర్ గురూ అని మనస్ఫూర్తిగా మెచ్చుకుని తినడం, రోడ్డు పక్కన కొబ్బరి బొండాలు తాగుతూ కార్యకర్తలకు పంచడం, స్వీట్ షాప్‌లో స్వీట్లు తింటూ వ్యాపారుల సాధకబాధకాలు అడిగి తెలుసుకోవడం, కూల్ డ్రింక్ షాప్‌లోకి దూసుకెళ్లి స్వయంగా మిక్సీ పట్టి బత్తాయి జ్యూస్ చేసి కార్యకర్తలకు తానే అందించడం, టీ కొట్టు వద్ద నిలబడి చాయ్ పే చర్చ చేస్తూ స్థానిక వ్యాపారాల తీరును ఆరా తీస్తూనే మంత్రి నారాయణ గారు నగరంలో చేసిన తిరుగులేని అభివృద్ధిని గలగలా వివరించడం, అలసిపోయిన సైనికుల్లాంటి కార్యకర్తలకు కూల్ డ్రింక్స్ ఇస్తూ కొండంత ఉత్సాహాన్ని నింపడం ఇప్పుడు అందరినీ అవాక్కయ్యేలా చేస్తోంది.. ఉపన్యాసాలు దంచడం కాదు, ప్రజల్లో ఒకరిగా కలిసిపోయి పల్స్ పట్టుకోవడంలో ఆమె స్టైలే వేరంటూ, మేయర్ అభ్యర్థి రూప్ కుమార్ యాదవ్ తరఫున కార్పొరేటర్ అభ్యర్థుల తరఫున ఆమె చేస్తున్న ఈ మాస్ రీచ్ ప్రచారానికి జనం బ్రహ్మరథం పడుతున్నారు
