వార్డులో మౌళిక సమస్యల పరిష్కారానికి శ్రీకారం

ఆళ్లగడ్డ మేజర్ న్యూస్ ;
వార్డులో మౌళిక సమస్యలన్నీ పరిష్కరిస్తానని 26 వార్డు నూతన వైసిపి కౌన్సిలర్ షేక్ అక్బర్ అలియాస్ ఆజాద్ అన్నారు. సోమవారం ఆయన మేజర్ న్యూస్ తో మాట్లాడుతూ ముఖ్యంగా  26వ వార్డులో  కొన్ని వీధులు చేర్చడం జరిగిందని ఆ ప్రాంతాల్లో మౌలిక  వసతుల కల్పనకు కృషి చేయడం జరుగుతుందన్నారు. ముఖ్యంగా మురికి కాలువలు, సిమెంటు రోడ్లు, త్రాగునీటి సౌకర్యము, వీధిలైట్లు ఏర్పాటు చేయడం జరుగుతుందన్నారు. అర్హులైన వారికి ప్రభుత్వ పింఛన్ అందేలా చర్యలు తీసుకుంటామని అర్హులైన దివ్యాంగులకు సదరన్ క్యాంపులు ఏర్పాటు చేయించి వారికి న్యాయం చేస్తామని కౌన్సిలర్ షేక్ ఆజాద్ అన్నారు.

కరణం శ్రీనివాసరావు ఆళ్లగడ్డ నంద్యాల జిల్లా