కల్లు దుకాణాలపై ఎక్సైజ్ అధికారుల దాడులు- కల్తీ కల్లు విక్రయిస్తే కఠిన చర్యలు ఎక్సైజ్ సీఐ గోపాల్

పెద్దశంకరంపేట;కల్తీ కల్లు విక్రయిస్తే కఠిన చర్యలు తప్పవని ఎక్సైజ్ సీఐ గోపాల్ హెచ్చరించారు. సోమవారం పెద్దశంకరంపేట, కమలాపూర్, ఉత్తులూర్,శివాయపల్లి, కోళాపల్లి తదితర గ్రామాలలోని కల్లు దుకాణాలపై ఎక్సైజ్ అధికారుల బృందం దాడులు నిర్వహించింది. ఆయా దుకాణాలలో కల్లు షాంపిల్స్న పోలీసులు సేకరించారు. వీటిని పరిశీలన నిమిత్తం నిజామాబాద్ కార్యాలయంకు పంపించనున్నట్లు సీఐ తెలిపారు. ప్రభుత్వ నిభంధనల మేరకు దుకాణాలను నిర్వహించాలని, ప్రజల ఆరోగ్యానికి ఇబ్బందులు కలిగించేలా వ్యవహరిస్తే కేసులు నమోదు చేస్తామని, ఉన్నతాధికారుల ఆదేశాల మేరకు దాడులు నిర్వహించినట్లు సీఐ పేర్కొన్నారు. ఆయన వెంట ఎక్సైజ్ ఎస్ఐ.వినోద్ సిబ్బంది పాల్గొన్నారు.