అర్ణబ్ తుఫాను ముందస్తు చర్యల్లో భాగంగా కోనసీమ జిల్లాకు నెల్లూరు విద్యుత్ సిబ్బంది

నెల్లూరు,  మేజర్ న్యూస్ :   అర్ణబ్ తుఫాను ప్రభావంపై ముందస్తు హెచ్చరికల నేపథ్యంలో, ఏపీఎస్‌పీడీసీఎల్ సీఎండీ   ఆదేశాల మేరకు తుఫాను ప్రభావిత ప్రాంతాల్లో విద్యుత్ సరఫరాకు అంతరాయం కలిగిన పక్షంలో తక్షణమే పునరుద్ధరణ పనులు చేపట్టేందుకు నెల్లూరు టౌన్, నెల్లూరు రూరల్ డివిజన్ల నుంచి విద్యుత్ సిబ్బందితో కూడిన ప్రత్యేక బృందాలు డాక్టర్ బి.ఆర్. అంబేద్కర్ కోనసీమ జిల్లా అమలాపురానికి బయలుదేరాయి.  తుఫాను కారణంగా విద్యుత్ స్తంభాలు, లైన్లు, ట్రాన్స్‌ఫార్మర్లు తదితర విద్యుత్ వ్యవస్థలకు నష్టం వాటిల్లే అవకాశం ఉన్నందున, ప్రజలకు విద్యుత్ సరఫరాలో అంతరాయాలు కలగకుండా ముందస్తు జాగ్రత్త చర్యల్లో భాగంగా ఈ బృందాలను పంపించడం జరిగింది. అవసరమైన ప్రాంతాల్లో విద్యుత్ మరమ్మతులు చేపట్టి, సాధ్యమైనంత త్వరగా విద్యుత్ సరఫరాను పునరుద్ధరించేందుకు ఈ బృందాలు సేవలు అందించనున్నాయి.  ఈ సందర్భంగా సిబ్బంది అప్రమత్తంగా ఉండాలని, తుఫాను ప్రభావిత ప్రాంతాల్లో స్థానిక విద్యుత్ అధికారులతో సమన్వయం చేసుకుంటూ పునరుద్ధరణ పనులను వేగవంతంగా చేపట్టాలని ఉన్నతాధికారులు సూచించారు. విద్యుత్ పునరుద్ధరణ సమయంలో సిబ్బంది భద్రతా ప్రమాణాలను తప్పనిసరిగా పాటిస్తూ విధులు నిర్వహించాలని స్పష్టం చేశారు.  తుఫాను వంటి ప్రకృతి వైపరీత్యాల సమయంలో ప్రజలకు నిరంతర విద్యుత్ సేవలు అందించేందుకు, విద్యుత్ సరఫరా వ్యవస్థను త్వరితగతిన సాధారణ స్థితికి తీసుకురావడానికి ఏపీఎస్‌పీడీసీఎల్ అవసరమైన ముందస్తు చర్యలు చేపడుతోంది.