ఎమ్మెల్యే రోషన్..సామాన్యుడిలా! రోడ్డు పక్కన తేగలు కొని.. మహిళతో ముచ్చటించి!
జంగారెడ్డిగూడెం,మేజర్ న్యూస్ చింతలపూడి శాసనసభ్యులు సొంగా రోషన్ కుమార్ తన నిరాడంబరతను చాటుకున్నారు. జంగారెడ్డిగూడెంలో మున్సిపల్ చైర్మన్ అభ్యర్థి, కౌన్సిలర్ల ఎన్నికల ప్రచార కార్యక్రమంలో పాల్గొనేందుకు వెళ్తున్న ఆయన, మార్గమధ్యంలో రోడ్డు పక్కన తేగలు అమ్ముకుంటూ జీవనం సాగిస్తున్న మహిళను గమనించారు. వెంటనే తన వాహనాన్ని ఆపి ఆమె వద్దకు వెళ్లి ఆప్యాయంగా పలకరించి, యోగక్షేమాలు అడిగి తెలుసుకున్నారు. అనంతరం ఆమె వద్ద తేగలను కొనుగోలు చేశారు.
తన వద్దకు వచ్చి ఆప్యాయంగా పలకరించిన వ్యక్తి ఎమ్మెల్యే రోషన్ కుమార్ అని తెలుసుకున్న ఆ మహిళ ఆశ్చర్యానికి గురైంది. ప్రజాప్రతినిధిగా బిజీగా ఉన్నప్పటికీ, మార్గమధ్యంలో సామాన్య మహిళను పలకరించి ఆమెతో కొద్దిసేపు మాట్లాడటం స్థానికుల దృష్టిని ఆకర్షించింది.
ప్రజాప్రతినిధులు ప్రజల మధ్యకు వెళ్లి వారి జీవన పరిస్థితులను తెలుసుకోవడం, ఆప్యాయంగా పలకరించడం ప్రజలకు మరింత చేరువయ్యే మార్గమని ఈ సంఘటన గుర్తుచేస్తోంది. ఎన్నికల ప్రచారానికి వెళ్తున్న సమయంలో చోటుచేసుకున్న ఈ ఘటన స్థానికంగా చర్చనీయాంశమైంది.
రిపోర్టర్ కెవి రమణ రావు జంగారెడ్డిగూడెం ఏలూరు జిల్లా,
