బాసర ఐఐఐటీలో నీటి సమస్యకు శాశ్వత పరిష్కారం రెండు, మూడు రోజుల్లో భౌతిక తరగతులు ప్రారంభం: కలెక్టర్ భవేశ్ మిశ్రా

బాసర ఐఐఐటీలో నీటి సమస్యకు శాశ్వత పరిష్కారం

రెండు, మూడు రోజుల్లో భౌతిక తరగతులు ప్రారంభం: కలెక్టర్ భవేశ్ మిశ్రా

నిర్మల్, అక్టోబర్ 26: బాసర ఐఐఐటీలో విద్యార్థులకు నీటి ఇబ్బందులు కలగకుండా పటిష్ట చర్యలు తీసుకుంటున్నట్లు జిల్లా కలెక్టర్ భవేశ్ మిశ్రా తెలిపారు. సోమవారం ఐఐఐటీని సందర్శించిన ఆయన, గోదావరి వద్ద నీటి సరఫరా ఇంటెక్‌వెల్‌ను, క్యాంపస్‌లోని పంప్‌హౌస్‌, నీటి నిల్వ కుంటను పరిశీలించారు.

ఐఐఐటీకి నీటిని సరఫరా చేసే మూడు మోటార్లలో రెండు మరమ్మతులకు గురయ్యాయని, వాటి మరమ్మతుల కోసం రూ.8 లక్షలు కేటాయించినట్లు కలెక్టర్ వెల్లడించారు. పది రోజుల్లో వాటిని అందుబాటులోకి తీసుకువస్తామని, అవసరమైతే గ్రామపంచాయతీ ద్వారా కూడా నీటిని సరఫరా చేస్తామని పేర్కొన్నారు. ప్రస్తుతం నీటి లభ్యత సరిపడా ఉందని, సరఫరాలోని సమస్యలను పరిష్కరిస్తామని చెప్పారు.

విద్యార్థులకు రెండు, మూడు రోజుల్లో భౌతిక తరగతులు ప్రారంభించేలా చర్యలు తీసుకోవాలని అధికారులను ఆదేశించారు. ఈ కార్యక్రమంలో భైంసా సబ్‌ కలెక్టర్ అజ్మీరా సంకేత్ కుమార్, ఐఐఐటీ అధికారులు, సంబంధిత శాఖల అధికారులు పాల్గొన్నారు.