రాయదుర్గం 15వ వార్డులో టీడీపీ ప్రచార జోరు - ఇంటింటికీ చైర్మన్ అభ్యర్థి హనుమంతు, నాగరాజ్ నాయక్*

రాయదుర్గం టౌన్ మేజర్ న్యూస్ : రాయదుర్గం పురపాలక ఎన్నికల ప్రచారంలో టీడీపీ దూసుకుపోతోంది. పట్టణంలోని 15వ వార్డులో సోమవారం చైర్మన్ అభ్యర్థి టంకశాల హనుమంతు, 15వ వార్డు కౌన్సిలర్ అభ్యర్థి నాగరాజు నాయక్ ఎన్నికల ప్రచార కార్యక్రమం జోరుగా సాగింది,ఈ సందర్భంగా వార్డులోని ప్రతి ఇంటికి వెళ్లి అభ్యర్థులు ఓటర్లను కలిసి తమకు ఓటు వేసి గెలిపించాలని అభ్యర్థించారు.

 కూటమి ప్రభుత్వం చేస్తున్న అభివృద్ధి పనులను, ఎమ్మెల్యే కాలవ శ్రీనివాసులు రాయదుర్గం అభివృద్ధికి చేస్తున్న కృషిని ప్రజలకు వివరించారు,గత వైసీపీ పాలనలో వార్డులో ఎలాంటి అభివృద్ధి జరగలేదని, రోడ్లు, డ్రైనేజీ, తాగునీటి సమస్యలు అలాగే ఉన్నాయని, టీడీపీ అధికారంలోకి వస్తే వార్డు సమస్యలన్నీ పరిష్కరిస్తామని హామీ ఇచ్చారు,ఈ కార్యక్రమంలో పట్టణ అధ్యక్షుడు బండి కృష్ణమూర్తి, టీడీపీ నాయకులు, కార్యకర్తలు, అభిమానులు పెద్ద సంఖ్యలో పాల్గొన్నారు.