21వ డివిజన్‌లో కూటమి అభ్యర్థుల విజయమే లక్ష్యంగా తెలుగుదేశం, జనసేన నాయకుల విస్తృత ప్రచారం!
నెల్లూరు, మేజర్ న్యూస్ : నెల్లూరు నగర అభివృద్ధిని మరింత వేగవంతం చేయాలనే సంకల్పంతో, 21వ డివిజన్‌లో కూటమి బలపరిచిన జనసేన పార్టీ కార్పొరేటర్ అభ్యర్థి శ్రీమతి గునుకుల విజయలక్ష్మి ని గాజు గ్లాసు గుర్తుకు ఓటు వేసి భారీ మెజారిటీతో గెలిపించాలని, నెల్లూరు నగర మేయర్‌గా తెలుగుదేశం పార్టీ అభ్యర్థి శ్రీ రూప్ కుమార్ యాదవ్ ని సైకిల్ గుర్తుకు ఓటు వేసి గెలిపించాలని కోరుతూ కూటమి నాయకులు విస్తృతంగా ఎన్నికల ప్రచారం నిర్వహించారు.
ఈ ప్రచార కార్యక్రమంలో తెలుగుదేశం పార్టీ సీనియర్ నాయకురాలు, మాజీ చైర్‌పర్సన్ శ్రీమతి తాళ్లపాక అనురాధ , మాజీ జెడ్పీటీసీ, తెలుగుదేశం పార్టీ సీనియర్ నాయకురాలు శ్రీమతి విజయత , 16వ డివిజన్ తెలుగుదేశం పార్టీ అధ్యక్షులు శ్రీ సాయి , ముంగమూరు కుటుంబ రాజకీయ వారసత్వాన్ని కొనసాగిస్తున్న శ్రీ ముంగమూరు యశ్వంత్ కేవీ రెడ్డి , భాస్కర్ రెడ్డి , బాలాజీ, మధు, శ్రీనివాసులు తదితర నాయకులు పాల్గొని ఇంటింటికీ వెళ్లి కూటమి అభ్యర్థులకు మద్దతు కోరారు.
“పారదర్శకతతో పాలన… జవాబుదారీతనంతో ప్రజాసేవ… అభివృద్ధితో ప్రజల జీవితాల్లో మార్పు!”
గౌరవ ఉప ముఖ్యమంత్రి, జనసేన పార్టీ అధినేత శ్రీ పవన్ కళ్యాణ్ ఆశయంగా చూపిన ప్రజా బాధ్యత, పారదర్శకత, సేవాభావాన్ని ప్రజల్లోకి తీసుకెళ్తూ, నెల్లూరు నగర అభివృద్ధికి కృషి చేస్తున్న రాష్ట్ర పురపాలక శాఖ మంత్రి, నెల్లూరు నగర ఎమ్మెల్యే శ్రీ పొంగూరు నారాయణ సమర్థవంతమైన నాయకత్వానికి మరింత బలాన్ని చేకూర్చాలని నాయకులు ప్రజలను కోరారు.
జనసేన, తెలుగుదేశం పార్టీల మధ్య ఉన్న ఐక్యతను చాటుతూ, సమన్వయంతో ముందుకు సాగుతున్న కూటమి నాయకులు 21వ డివిజన్‌లో ప్రతి గడపనూ పలకరిస్తూ అభివృద్ధి, సంక్షేమం, ప్రజా సమస్యల పరిష్కారమే తమ ప్రధాన లక్ష్యమని వివరించారు.
“కూటమి ఐక్యతే విజయానికి పునాది… ప్రజల ఆశీర్వాదమే అభివృద్ధికి చోదకశక్తి!”
గునుకుల విజయలక్ష్మి గారిని 21వ డివిజన్ కార్పొరేటర్‌గా, శ్రీ రూప్ కుమార్ యాదవ్ ని నెల్లూరు నగర మేయర్‌గా భారీ మెజారిటీతో గెలిపించి, నగర అభివృద్ధికి ప్రజలు తమ సంపూర్ణ మద్దతు అందించాలని నాయకులు విజ్ఞప్తి చేశారు.
ఈ సందర్భంగా కూటమి అభ్యర్థుల విజయమే ధ్యేయంగా సమష్టిగా కృషి చేస్తున్న తెలుగుదేశం, జనసేన నాయకులకు, కార్యకర్తలకు పేరుపేరునా కృతజ్ఞతలు తెలియజేస్తూ, “ప్రతి అడుగు ప్రజాహితం కోసం… ప్రతి నిర్ణయం అభివృద్ధి కోసం… ప్రతి విజయం ప్రజల కోసం!” అనే సంకల్పంతో ముందుకు సాగుతున్నామని జనసేన పార్టీ సీనియర్ నాయకులు శ్రీ కిషోర్ గునుకుల తెలిపారు.
