telangana
పేద కుటుంబాల ఆర్ధిక భద్రత.. ఇందిరమ్మ కుటుంబ జీవిత బీమా: డాక్టర్ రవి శేఖర్ రెడ్డి
వెంగళరావునగర్, మేజర్ న్యూస్: దేశ సమగ్రత కోసం ప్రాణాలర్పించిన ఉక్కు మహిళ, భారత తొలి మహిళా ప్రధానమంత్రి భారత రత్న శ్రీమతి ఇందిరా గాంధీ అని ఏఐసీసీ జాతీయ కో ఆర్డినేటర్ డాక్టర్ పి.వి. రవి శేఖర్ రెడ్డి అన్నారు. దివంగత ఇందిరా గాంధీ జన్మ దినోత్సవాన్ని పురస్కరించుకొని వెంగళరావునగర్ కాలనీ సోషల్ వెల్ఫేర్ అసోసియేషన్, కాలనీ సీనియర్ సిటిజెన్ అసోసియేషన్ సంయుక్తంగా నిర్వహించిన కార్యక్రమానికి డాక్టర్ రవి శేఖర్ రెడ్డి ముఖ్య అతిథిగా హాజరై అక్కడ ఉన్న చిత్ర పటానికి పూలమాల వేసి ఘనంగా నివాళులు అర్పించారు. ఈ సందర్భంగా మాట్లాడుతూ ఆ మహనీయురాలి జయంతిని పురస్కరించుకొని సిద్దిపేట లో తెలంగాణ ముఖ్యమంత్రి రేవంత్ రెడ్డి చేతుల మీదుగా “ఇందిరమ్మ కుటుంబ జీవిత బీమా పథకం” ప్రారంభం కావడం చాలా సంతోష దాయకమన్నారు. ప్రజల సంక్షేమం, పేద కుటుంబాల ఆర్ధిక భద్రత లక్ష్యంగా చేపడుతున్న ఈ పథకం నిరుపేద కుటుంబాలకు భరోసాగా నిలుస్తోందని ఈ సందర్భంగా డాక్టర్ రవి శేఖర్ రెడ్డి అన్నారు. కార్యక్రమంలో వెంగళరావు నగర్ కాలనీ సోషల్ వెల్ఫేర్ అధ్యక్షులు ఎం. రంగారావు తో పాటు సభ్యులు, సీనియర్ సిటిజెన్ వెల్ఫేర్ అసోసియేషన్ అధ్యక్షులు బాల కృష్ణ, సభ్యులు పాల్గొన్నారు.