పౌర హక్కులపై అవగాహన అవసరం

పౌర హక్కులపై అవగాహన అవసరం.

భూపాలపల్లి సూర్యప్రతినిధి సెప్టెంబర్ 30,మేజర్ న్యూస్.

పౌరహక్కుల దినోత్సవాన్ని పురస్కరించుకుని భూపాలపల్లి తహశీల్దార్, ఆదేశాల మేరకు బుధవారం సెగ్గంపల్లి గ్రామంలో 1వ వార్డు మున్సిపల్ కౌన్సిలర్  బౌతు శోభ అధ్యక్షతన పౌరహక్కులపై అవగాహన సమావేశం నిర్వహించారు.
ఈ సందర్భంగా కౌన్సిలర్ శ్రీమతి బౌతు. శోభ మాట్లాడుతూ రాజ్యాంగం ద్వారా కల్పించిన పౌర హక్కులపై ప్రతి ఒక్కరూ అవగాహన కలిగి ఉండాలని అన్నారు. హక్కులకు ఎలాంటి భంగం కలిగినా చట్టపరమైన చర్యలు చేపట్టి, తమ హక్కుల సాధనకు కృషి చేయాలని సూచించారు. ఈ సమావేశంలో పాల్గొన్న గిర్ధవార్ రామస్వామి మాట్లాడుతూ పౌరులు తమ హక్కులను ఎలా వినియోగించుకోవాలో ప్రజలకు అవగాహన కల్పించారు. గ్రామంలో భూ సమస్యలు ఉంటే సంబంధిత రెవెన్యూ అధికారులను సంప్రదించి పరిష్కరించుకోవాలని సూచించారు. ప్రతి ఒక్కరూ విద్యను అభ్యసించాలని, విద్య ద్వారా సమాజంలో ఉన్నత స్థానాలను సాధించవచ్చని తెలిపారు. ఈ సమావేశంలో జిపివో బండి శ్రీనివాస్, కార్యాలయ సిబ్బంది వరుణ్, తరుణ్ మరియు గ్రామ ప్రజలు పాల్గొన్నారు.