న్యాయ సేవాధికార సంస్థ ద్వారా ఉచిత సహాయం పొందండి-టేకుమట్ల పారా లీగల్ వాలంటీర్ అంబాల రమేష్

టేకుమట్ల, మేజర్ న్యూస్, న్యాయ సేవాధికార సంస్థ ద్వారా ఉచిత న్యాయ సహాయం పొందవచ్చని జిల్లా న్యాయ సేవాధికార సంస్థ టేకుమట్ల పారాలీగల్ వాలంటీర్ అంబాల రమేష్ అన్నారు.ఈ సందర్బంగా  నవంబర్ 9 తేది న నేషనల్ లీగల్ సర్వీసెస్ దినోత్సవాన్ని 
పురస్కరించుకొని మండలంలోని వెలిశాల గ్రామంలో ఏర్పాటు చేసిన అవగాహనా సదస్సులో ఆయన మాట్లాడుతూ సమాజంలోని నిరుపేదలకు,అణగారిన వర్గాల వారికి SC, ST, BC, మైనార్టీ వర్గాల వారికి, 3లక్షల లోపు ఆదాయం ఉన్న వారికి ఉచిత న్యాయం అందించడమే న్యాయ సేవాధికార సంస్థ ఉద్దేశ్యం అని అన్నారు. వివిధ కేసుల్లో ఉన్న వ్యక్తులు లోక్ అదాలత్ ద్వారా రాజీ కుదుర్చుకుని, వారి విలువైన సమయాన్ని ఆదా చేసుకుని, సమస్యలను పరిష్కరించుకోవచ్చని, ఉచిత న్యాయం సహాయం కోసం టోల్ ఫ్రీ నంబర్ 15100 లో సంప్రదించాలని ఆయన కోరారు. ఈ కార్యక్రమంలో గ్రామస్తులు పాల్గొన్నారు..

రిపోర్టర్: మారేపల్లి రాజ కొమురయ్య టేకుమట్ల మండల్, జయశంకర్ భూపాలపల్లి జిల్లా..