భీమిని మండలంలో కలెక్టర్ విస్తృత పర్యటన ప్రభుత్వ పాఠశాలలు, తహసీల్దార్ కార్యాలయం, ఇందిరమ్మ ఇళ్ల నిర్మాణాల పరిశీలన

సూర్య, భీమిని: మంచిర్యాల జిల్లా కలెక్టర్ కుమార్ దీపక్ బుధవారం భీమిని మండలంలో విస్తృతంగా పర్యటించారు. ఈ సందర్భంగా పలు ప్రభుత్వ కార్యాలయాలు, విద్యాసంస్థలు, గ్రామాల్లో చేపడుతున్న అభివృద్ధి పనులను పరిశీలించారు.ముందుగా కస్తూర్బా గాంధీ బాలికల విద్యాలయాన్ని (కేజీబీవీ) సందర్శించి విద్యార్థులకు అందుతున్న విద్యా, వసతి సౌకర్యాలను పరిశీలించారు.అనంతరం తహసీల్దార్ కార్యాలయాన్ని సందర్శించి కార్యాలయ నిర్వహణ, ప్రజలకు అందుతున్న సేవలపై వివరాలు తెలుసుకున్నారు.అనంతరం మల్లిడి గ్రామపంచాయతీని సందర్శించి గ్రామంలో నిర్మిస్తున్న ఇందిరమ్మ ఇళ్ల పనులను పరిశీలించారు. ఇళ్ల నిర్మాణ పురోగతిని అడిగి తెలుసుకున్నారు.అలాగే ఎంపీపీఎస్ పాఠశాలను సందర్శించి విద్యార్థులతో ముచ్చటించారు.వారి అభ్యసన సామర్థ్యాన్ని, నైపుణ్యాలను పరిశీలించి విద్యార్థులను అభినందించారు.అదేవిధంగా గ్రామంలో మహిళా సంఘ భవన నిర్మాణానికి కలెక్టర్ భూమిపూజ నిర్వహించారు.భవన నిర్మాణ పనులను త్వరితగతిన పూర్తి చేయాలని గ్రామ సర్పంచ్‌ను ఆదేశించారు. ఈ పర్యటనలో సంబంధిత శాఖల అధికారులు, ప్రజాప్రతినిధులు పాల్గొన్నారు.