ముగియనున్న సీఎం పర్యటన: నేడు కొడంగల్‌లో రూ.9,053 కోట్ల అభివృద్ధి పనులకు శంకుస్థాపన

వికారాబాద్, సూర్య బ్యూరో :తెలంగాణ ముఖ్యమంత్రి ఎ. రేవంత్ రెడ్డి కొడంగల్ నియోజకవర్గ పర్యటన మూడో రోజుకు చేరుకుంది. పర్యటనలో భాగంగా ఈరోజు (ఆదివారం) సాయంత్రం 4:30 గంటలకు లగచర్ల ఇండస్ట్రియల్ కారిడార్ వేదికగా నిర్వహించనున్న భారీ రైతు బహిరంగ సభలో సీఎం పాల్గొననున్నారు.

ఈ సందర్భంగా నియోజకవర్గ సమగ్ర అభివృద్ధికి ఊతమిచ్చేలా దాదాపు రూ.9,053 కోట్ల అంచనా వ్యయంతో చేపట్టనున్న పలు కీలక సంక్షేమ, అభివృద్ధి పనులకు సీఎం శంకుస్థాపనలు చేయనున్నారు. లగచర్లలో రూ.81 కోట్లతో ఎకో పామ్ ఆయిల్ ఫ్యాక్టరీ నిర్మాణం, నాచారం గ్రామం నుంచి రేడియల్ రోడ్డు సహా పలు రహదారుల పనులకు సీఎం శ్రీకారం చుట్టనున్నారు. ఈ బహిరంగ సభకు మహబూబ్‌నగర్, రంగారెడ్డి, మెదక్ జిల్లాల నుంచి భారీగా రైతులు తరలిరానుండటంతో అధికారులు అన్ని ఏర్పాట్లు పూర్తి చేశారు.