తాళాయికి ఆర్టీసీ బస్సు సౌకర్యం కల్పించాలి.…

సూర్య, బెజ్జుర్ : కొమురం భీం ఆసిఫాబాద్ జిల్లా, బెజ్జూర్ మండలంలోని తాళాయి గ్రామానికి ఆర్టీసీ బస్సు సౌకర్యం కల్పించాలని గ్రామ యువకులు డిమాండ్ చేశారు. మండల కేంద్రానికి నిత్యం వివిధ పనుల నిమిత్తం వెళ్లే గ్రామస్థులు బస్సులు లేక తీవ్ర ఇబ్బందులు ఎదుర్కొంటున్నారని తెలిపారు. తప్పనిసరి పరిస్థితుల్లో ప్రైవేట్ వాహనాలను ఆశ్రయిస్తుండగా అధిక చార్జీలు చెల్లించాల్సి వస్తోందని ఆవేదన వ్యక్తం చేశారు. విద్యార్థులు, మహిళలు, వృద్ధుల ఇబ్బందులను దృష్టిలో ఉంచుకొని ఆర్టీసీ అధికారులు స్పందించి తాళాయి గ్రామానికి బస్సు సౌకర్యం కల్పించాలని యువకులు కోరారు.