వైయస్‌ఆర్‌సీపీ అనంతపురం నగర మేయర్ రమేష్ గౌడ్ హౌస్ అరెస్ట్
అనంతపురం బ్యూరో మేజర్ న్యూస్ : అనంతపురం జిల్లా వైయస్‌ఆర్‌సీపీ అధ్యక్షులు, మాజీ ఎమ్మెల్యే అనంత వెంకట్రామిరెడ్డితో పాటు అనంతపురం నగర మేయర్ రమేష్ గౌడ్‌లను పోలీసులు మంగళవారం ఉదయం హౌస్ అరెస్టు చేశారు.
కళ్యాణదుర్గం నియోజకవర్గంలో ఇటీవల జరిగిన జెడ్పీటీసీ, ఎంపీటీసీ ఎన్నికల కౌంటింగ్‌లో పెద్ద ఎత్తున అవకతవకలు జరిగాయని ఆరోపిస్తూ, వాటిపై నిరసన తెలిపేందుకు వైయస్‌ఆర్‌సీపీ ఈరోజు కళ్యాణదుర్గంలో భారీ నిరసన ర్యాలీకి పిలుపునిచ్చింది. ఈ కార్యక్రమంలో పాల్గొనేందుకు అనంతపురం నుంచి కళ్యాణదుర్గం బయలుదేరుతున్న అనంత వెంకట్రామిరెడ్డి, మేయర్ రమేష్ గౌడ్‌లను పోలీసులు నివాసాల వద్దే అడ్డుకుని గృహనిర్బంధం చేశారు.
ర్యాలీకి ముందస్తు అనుమతి లేదనే కారణంతో శాంతిభద్రతల పరిరక్షణ దృష్ట్యా పోలీసులు ఈ చర్యలు చేపట్టినట్లు తెలుస్తోంది. నాయకుల హౌస్ అరెస్ట్ వార్త తెలియడంతో వైయస్‌ఆర్‌సీపీ శ్రేణులు, కార్యకర్తలు తీవ్ర ఆగ్రహం వ్యక్తం చేశారు. నిరసన తెలిపే రాజ్యాంగబద్ధమైన హక్కును ప్రభుత్వం కాలరాస్తోందని నాయకులు మండిపడ్డారు. పట్టణంలో ఎలాంటి అవాంఛనీయ సంఘటనలు జరగకుండా పోలీసులు భారీగా బందోబస్తు ఏర్పాటు చేశారు.
రిపోర్టర్ : మొయినుద్దీన్ అనంతపురం బ్యూరో మేజర్ న్యూస్
