మండలంలో కాంగ్రెస్, బిజెపి పార్టీలకు బిగ్ షాక్ - బిఆర్ఎస్ పార్టీలో భారీగా చేరికలు

సూర్య- బిక్కనూర్ :మండలంలో కాంగ్రెస్ బిజెపి పార్టీలకు శుక్రవారం బిగ్ షాక్ తగిలింది. కంచర్ల గ్రామానికి చెందిన కాంగ్రెస్, బీజేపీ పార్టీల నాయకులు తమ తమ పార్టీలకు రాజీనామా చేసి, మాజీ ఎమ్మెల్యే గంప గోవర్ధన్ సమక్షంలో బిఆర్ఎస్ పార్టీలో చేరారు. ఈ సందర్భంగా వారు మాట్లాడుతూ కాంగ్రెస్ ప్రభుత్వం ఇచ్చిన హామీలు నెరవేర్చకుండా ప్రజలను మోసం చేసిందని ఆరోపించారు. ఎన్నికల సమయంలో ఇచ్చిన హామీలను నెరవేర్చడంలో ప్రభుత్వం పూర్తిగా విఫలమైందని, రైతులు, కూలీలు, యువత తీవ్ర ఇబ్బందులు పడుతున్నారని,ప్రజల కష్టాలు పట్టించుకోని ప్రభుత్వంపై ప్రజల్లో తీవ్ర వ్యతిరేకత పెరుగుతోందని ఈ సందర్భంగా వారు ఆవేదన వ్యక్తం చేశారు. కేసీఆర్ పాలనలోనే గ్రామాలు అభివృద్ధి చెందాయని, మళ్లీ బిఆర్ఎస్ పార్టీ ప్రజలకు అండగా ఉంటుందని వారు తెలిపారు. పార్టీలో చేరిన వారికి మాజీ ఎమ్మెల్యే గంప గోవర్ధన్ పార్టీ కండువాలు కప్పి ఆహ్వానించారు. ఈ కార్యక్రమంలో పార్టీ ఇంచార్జి ప్రెసిడెంట్ అత్తేల్లి శ్రీనివాస్, నాయకులు అందె మహేందర్, బోండ్ల రాంచంద్రం, కంచర్ల ఉపసర్పంచ్ రమేష్, మహిపాల్ రెడ్డి, బాపురెడ్డి, నరేందర్, శ్రీనివాస్ గౌడ్, బిక్షపతి, జనార్దన్ రెడ్డి కార్యకర్తలు పాల్గొన్నారు.