పంచాయితీ ఎన్నికలైనా సజావుగా జరిగేనా ?

అనంతపురం రూరల్ మేజర్ న్యూస్ :   అనంతపురం రూరల్ మండల ఎంపీటీసీ, జడ్పిటిసి ఎన్నికల.. నామినేషన్ల ప్రక్రియ నుంచి..  ఓట్ల లెక్కింపు.. ఫలితాల విడుదల వరకు.. అధికార టిడిపి  నాయకులు, కార్యకర్తలు.. అరాచకాలు.. బెదిరింపులు, దాడులు.. దౌర్జన్యాలు.. ఏ మేరకు చోటు చేసుకున్నాయో.... ప్రజలంతా .. మీడియాలో.. పత్రికల్లో  చూశారు. ఇవి మరువక ముందే  పంచాయతీ ఎన్నికల నోటిఫికేషన్ విడుదల కావడంతో గ్రామాలలో రాజకీయం మరోసారి హిటెక్కనుంది.  గ్రామాలలో సర్పంచ్ ఎన్నికలవేళ..  ఎలాంటి హింసాత్మక ఘటనలు... ఘర్షణలు చోటు  చేసుకుంటాయోనన్న భయాందోళన నెలకొన్నాయి.

ఎంపీటీసీ, జడ్పిటిసి ఎన్నికలలో టిడిపి నాయకుల అరాచకాలపై విమర్శలు

అనంతపురం రూరల్ మండలం ఎంపీటీసీ ,జడ్పిటిసి ఎన్నికల నామినేషన్ల సందర్భంగా అనంతపురం రూరల్ మండల పరిషత్ కార్యాలయం సమీపంలో.. తీవ్ర ఘర్షణలు చోటుచేసుకున్నాయి.   టిడిపి నాయకులు ,కార్యకర్తలు వందలాదిమంది తరలివచ్చి... ప్రతిపక్ష వైసిపి అభ్యర్థులు, నాయకులు, కార్యకర్తలు నామినేషన్లు వేసేందుకు వస్తే అడ్డుకొని.. నామినేషన్ పేపర్లను.. చింపివేసి దాడులు చేసి....  భయాందోళనలు సృష్టించారు. నామినేషన్లు వేసేందుకు.. జనాలతో. వైసీపీ నాయకులు కూడా ర్యాలీగా వస్తే.. వారిని కూడా అడ్డుకొని రాళ్లు విసిరి... దాడులు చేయడంతో.. పలువురు వైసిపి నాయకులకు తీవ్రంగా గాయాలయ్యాయి.   శాంతి భద్రతలను పరిరక్షించాల్సిన పోలీస్ అధికారులు.. అధికార పెద్దలకు వత్తాసు పలుకుతూ... టిడిపి నాయకులు కార్యకర్తలు వందలాది మంది వచ్చినా... పట్టించుకోకుండా.. వైసీపీ అభ్యర్థుల నాయకులు, కార్యకర్తలు.. కనీసం నలుగురు, ఐదు వచ్చినా కూడా అభ్యంతరం తెలిపారు. దీంతో టీడీపీ నాయకులు, కార్యకర్తలు రెచ్చిపోయి.. దాడులకు తెగబడ్డారు.   పోలింగ్ రోజు, కౌంటింగ్ రోజు ఎన్నికల ఫలితాలలో కూడా.. ఎన్నికల రిటర్నింగ్ ఆఫీసర్లు, పోలీస్ అధికారులు.. అధికార కూటమికి అనుకూలంగా వ్యవహరించారని వైసిపి నాయకులు తీవ్రంగా ఆరోపించారు.

సర్పంచ్ ఎన్నికల్లోనైనా పోలీసులు, ఎన్నికల అధికారులు నిష్పక్షపాతంగా పని చేస్తారా ?

ఎంపీటీసీ, జడ్పిటిసి ఎన్నికల్లో.. అధికార పార్టీకి అనుకూలంగా, ఏకపక్షంగా పనిచేశారన్న..  విమర్శలు పాలైన ఎన్నికల అధికారులు, పోలీసులు.. ప్రస్తుత సర్పంచ్ ఎన్నికలలో...  పారదర్శకంగా పనిచేస్తారా? లేక ఇక్కడ కూడా అధికార ప్రజాప్రతినిధుల ఒత్తిళ్లకు తలొగ్గి పని చేస్తారాన్న ప్రశ్నలు తలెత్తుతున్నాయి.  ఎన్నికల అధికారులు, పోలీసులు.. అధికార పార్టీ అనుకూలంగా పనిచేయడం వల్లనే తమ ఓడిపోయామని, ప్రజాస్వామ్య పద్ధతిలో నిష్పక్షపాతంగా ఎన్నికలు నిర్వహించి ఉంటే.. వైసీపీదే గెలుపు అని ఆ పార్టీ నాయకులు చెబుతున్నారు. పోలీసులు, ఎన్నికల అధికారులు తీరు మార్చుకొని.. సర్పంచ్ ఎన్నికలను పారదర్శకంగా నిర్వహించాలని ప్రతిపక్ష వైసిపి డిమాండ్ చేస్తుంది.