జర్నలిస్టుల పిల్లలకు 100 శాతం ఫీజు రాయితీ కల్పించాలి :

సూర్య నిర్మల్ జిల్లా ప్రతినిధి:
వర్కింగ్ జర్నలిస్టుల పిల్లలకు ప్రైవేట్, కార్పొరేట్ పాఠశాలల్లో 100 శాతం ఫీజు రాయితీ కల్పించాలని టీయూడబ్ల్యూజే (ఐజేయూ) జిల్లా అధ్యక్షుడు కొండూరు రవీందర్, ప్రధాన కార్యదర్శి వెంకగారి భూమయ్య డిమాండ్ చేశారు. శుక్రవారం నిర్మల్‌లో నిర్వహించిన యూనియన్ జిల్లా కార్యవర్గ సమావేశంలో వారు మాట్లాడుతూ.. కలెక్టర్, విద్యాశాఖ అధికారి జారీ చేసిన ఉత్తర్వులను పాఠశాలల యాజమాన్యాలు వెంటనే అమలు చేయాలని కోరారు. ఈ నెల 25న యూనియన్ జిల్లా మహాసభలు నిర్వహించనున్నట్లు తెలిపారు. అర్హులైన జర్నలిస్టులకు ఇళ్ల స్థలాలు మంజూరు చేయాలని ప్రభుత్వాన్ని డిమాండ్ చేశారు. సమావేశంలో యూనియన్ నాయకులు, కార్యవర్గ సభ్యులు పాల్గొన్నారు.