టీయూడబ్ల్యూజె – ఐజెయు కమిటీలో లక్షెట్టిపేట ప్రెస్ క్లబ్‌కు కీలక పదవులు !
• 92 ఓట్ల ఆధిక్యంతో ఉపాధ్యక్షులుగా కుమార స్వామి విజయం..
• సంయుక్త కార్యదర్శిగా, కార్యవర్గ సభ్యుడిగా మరో ఇద్దరికి బాధ్యతలు
సూర్య, మంచిర్యాల జిల్లా ప్రతినిధి :
మంచిర్యాల పట్టణంలోని స్థానిక ఫంక్షన్ హాల్లో శుక్రవారం జరిగిన టీయూడబ్ల్యూజె – ఐజెయు మంచిర్యాల జిల్లా కమిటీ ఏర్పాటులో లక్షెట్టిపేట ప్రెస్ క్లబ్‌కు చెందిన ముగ్గురికి కీలక పదవులు దక్కడం పట్ల ప్రెస్ క్లబ్ సభ్యులు హర్షం వ్యక్తం చేశారు. ఈ కమిటీ ఎన్నికల్లో లక్షెట్టిపేట ప్రెస్ క్లబ్ అధ్యక్షులు బోనగిరి కుమార స్వామి 92 ఓట్ల ఆధిక్యంతో ఉపాధ్యక్షులుగా విజయం సాధించారు. అదేవిధంగా వొజ్జల శ్రీనివాస్ సంయుక్త కార్యదర్శిగా, మల్యాల సంతోష్ జిల్లా కార్యవర్గ నిర్వాహకుడిగా ఏకగ్రీవంగా ఎన్నికయ్యారు.
ఒకే ప్రెస్ క్లబ్‌కు చెందిన ముగ్గురు జర్నలిస్టులకు జిల్లా స్థాయి కమిటీలో కీలక బాధ్యతలు లభించడం పట్ల లక్షెట్టిపేట ప్రెస్ క్లబ్ సభ్యులు ఆనందం వ్యక్తం చేశారు. నూతనంగా ఎన్నికైన ముగ్గురికి హృదయపూర్వక శుభాకాంక్షలు తెలియజేస్తూ, జర్నలిస్టుల సమస్యల పరిష్కారానికి, పాత్రికేయుల హక్కుల పరిరక్షణకు తమ వంతు కృషి చేయాలని ఆకాంక్షించారు.
