సొంత నిధులతో తాగునీటి సమస్యకు పరిష్కారం. నెల రోజులుగా నీటి కోసం గ్రామస్తుల అవస్థలు..

సొంత నిధులతో తాగునీటి సమస్యకు పరిష్కారం.

నెల రోజులుగా నీటి కోసం గ్రామస్తుల అవస్థలు..

మోటార్ మరమ్మలు చేయించిన రాయవరం నిరంజన్ రెడ్డి.

యర్రావారి పాలెం, మేజర్ న్యూస్: యర్రావారి పాలెం మండలం, బోడెవాండ్లపల్లి గ్రామపంచాయతీ పరిధిలోని వడ్డేపల్లి గ్రామంలో గత నెల రోజులుగా తాగునీరు లేక గ్రామస్తులు తీవ్ర ఇబ్బందులు ఎదుర్కొంటున్నారు. రోజువారీ అవసరాలకు కూడా నీరు అందక మహిళలు, చిన్నారులు, వృద్ధులు అవస్థలు పడాల్సిన పరిస్థితి నెలకొంది. నీటి సమస్యను పరిష్కరించాలని ఎదురుచూస్తున్న గ్రామస్తులకు ప్రభుత్వ పరంగా సకాలంలో పరిష్కారం లభించక ఇబ్బందులు పడుతూ ఉండేవారు. ఈ విషయం తెలుసుకున్న రాయవరం నిరంజన్ రెడ్డి స్పందించి తన సొంత నిధులతో మోటార్ ఖర్చులు భరించి మోటర్ ను మరమ్మత్తులు చేయించి నీటి సరఫరాకు అవసరమైన ఏర్పాట్లు చేశారు. దీంతో నెల రోజులుగా నీటి కోసం ఇబ్బందులు పడుతున్న గ్రామస్తులకు ఉపశమనం లభించింది. ప్రభుత్వ సహాయం కోసం ఎదురుచూస్తున్న సమయంలో వ్యక్తిగతంగా ముందుకొచ్చి మోటార్ ఖర్చులు భరించడంపై గ్రామస్తులు హర్షం వ్యక్తం చేశారు. తమ గ్రామంలో తాగునీటి సమస్య పరిష్కారానికి సహకరించిన నిరంజన్ రెడ్డికి గ్రామస్తులు కృతజ్ఞతలు తెలిపారు.