మల్లన్న సాగర్ ముంపు బాధితులకు న్యాయం చేయాలి
గజ్వేల్ ; .మల్లన్న సాగర్ ప్రాజెక్టు ముంపు బాధితులకు ప్రభుత్వం ఇచ్చిన హామీల మేరకు పూర్తిస్థాయిలో పరిహారం, పునరావాస ప్యాకేజీలు వెంటనే అందించాలని తెలంగాణ రాజ్యాధికార పార్టీ (టిఆర్పి) నాయకులు డిమాండ్ చేశారు. ఈ మేరకు గజ్వేల్ పట్టణంలోని అంబేద్కర్ చౌరస్తాలో నిరసన కార్యక్రమం చేపట్టారు. ఈ సందర్భంగా టిఆర్పి జిల్లా ఉపాధ్యక్షులు పి, నర్సింగ్,
మొహమ్మద్ పాషా మాట్లాడుతూ భూములు, ఇళ్లు, జీవనాధారాలు కోల్పోయిన నిర్వాసితులకు ఇప్పటికీ పరిహారం అందకపోవడం దారుణమని ఆవేదన వ్యక్తం చేశారు. ఈ నెల 19న సిద్దిపేట జిల్లాలో ముఖ్యమంత్రి రేవంత్ రెడ్డి నిర్వహించనున్న సభలోగా ముంపు బాధితుల సమస్యలను పరిష్కరించి, పెండింగ్లో ఉన్న పరిహారం, పునరావాస ప్యాకేజీలను వెంటనే చెల్లించాలని డిమాండ్ చేశారు. బాధితులకు న్యాయం చేయకపోతే ముఖ్యమంత్రి సభను అడ్డుకుంటామని హెచ్చరించారు. ఈ కార్యక్రమంలో టిఆర్పి సిద్దిపేట జిల్లా వర్కింగ్ ప్రెసిడెంట్ వెంకటేష్, మైనారిటీ జిల్లా అధ్యక్షుడు సయ్యద్ బాబా, జిల్లా సహాయ కార్యదర్శి గాలింక స్వామి, కార్యవర్గ సభ్యుడు మహేష్ తదితరులు పాల్గొన్నారు.