ఆక్వాన్ తుఫానుపై అప్రమత్తంగా ఉండండి
19, 20 తేదీలలో తీరం దాటే సమయంలో భారీ వర్షాలు
మత్స్యకారులు ఎవరు వేటకు వెళ్లొద్దు
- భోగాపురం తహసిల్దార్ రమేష్
భోగాపురం, మేజర్ న్యూస్: ఈనెల 19, 20 తేదీల్లో రానున్న ఆక్వాన్ తుఫానుపై ప్రజల అప్రమత్తంగా ఉండాలని మండల తహసీల్దార్ రమేష్ సూచించారు. గత తుఫానుతోనే మండలంలోని చాలావరకు చెరువులు, వాగులు నిండుకున్నాయని ఆయా ప్రాంతాల్లో అత్యవసర ఏర్పాట్లు చేయాలని సిబ్బందిని సూచించారు. తీర ప్రాంతంలో మత్స్యకారులు ఎవరు వేటకు వెళ్ళద్దని, అలల ఉధృతి ఎక్కువగా ఉంటుందని, ఒడ్డున ఉన్న బోట్లు వెనక్కి తీసుకురావాలని సూచించారు. పోలిపల్లి, లింగాలవలస, నందిగాం వంటి ప్రాంతాల్లో వరి కోతలు కోసే సమయంలో రైతులంతా అప్రమత్తంగా ఉండాలని పిలుపునిచ్చారు. అదే విధంగా రెవెన్యూ యంత్రాంగం తుఫాను పట్ల దృష్టి సారించి ఎక్కడ ఎలాంటి అవాంఛనీయమైన సంఘటనలు జరగకుండా ముందస్తు జాగ్రత్తలు తీసుకోవాలని సూచించారు. తుఫాను ప్రభావం బట్టి భోగాపురం తాసిల్దార్ కార్యాలయంలో హెల్ప్ డెస్క్ ఏర్పాటు చేస్తామని ఈ సందర్భంగా సంప్రదించాలని కోరారు.
రిపోర్టర్: వై.శ్రీనివాస్, భోగాపురం.