మున్సిపల్ కార్యాలయంలో ఘనంగా దసరా వేడుకలు : హాజరైన మున్సిపల్ చైర్మన్ శ్రీరామ్ చినబాబు,పచ్చిపాల రామకృష్ణ : కార్మికుల సంక్షేమానికి పెద్దపీట వేస్తామని హామీ
మదనపల్లె,మేజర్ న్యూస్ : పట్టణంలోని మున్సిపల్ కార్యాలయంలో కార్మికుల ఆధ్వర్యంలో దసరా వేడుకలు మంగళవారం అంగరంగ వైభవంగా నిర్వహించారు.రాష్ట్ర తెలుగు యువత అధ్యక్షుడు,మదనపల్లె మున్సిపల్ చైర్మన్ గుండ్లపల్లి శ్రీరామ్ చినబాబు,విశ్వబ్రాహ్మణ కార్పొరేషన్ స్టేట్ డైరెక్టర్,28వ వార్డు కౌన్సిలర్ పచ్చిపాల రామకృష్ణ ఆచారిలు పాల్గొన్నారు.ఇందులో భాగం కార్మికులకు స్వయంగా భోజనం వడ్డించి,వారిని ఆప్యాయంగా పలకరించి పండుగ శుభాకాంక్షలు తెలిపారు.ఈ సందర్భంగా శ్రీరామ్ చినబాబు మాట్లాడుతూ కార్మికుల సంక్షేమానికి ప్రత్యేక ప్రాధాన్యతనిస్తానని,కార్మిక శాఖ మంత్రితో మాట్లాడి హెల్త్ ఇన్సూరెన్స్,ఇంటి స్థలాలు వంటి ప్రయోజనాలు కల్పించేందుకు కృషి చేస్తానని హామీ ఇచ్చారు.మదనపల్లె పట్టణాన్ని పరిశుభ్రంగా తీర్చిదిద్దడంలో కార్మికుల పాత్ర కీలకమని క్రియాశీలకమని కొనియాడారు.ఈ కార్యక్రమంలో 13వ వార్డు కౌన్సిలర్లు బాబు నాయుడు,33వ వార్డు కౌన్సిలర్ రవి నాయక్,షరీఫ్,ముస్తాక్,పూలకుంట్ల హరి,ఇక్బాల్,ప్రభాకర్,కాశీ శ్రీరామ్ వాల్మీకి,ప్రభు కురబ గౌడ్,మేకల రెడ్డిశేఖర్,సాకే లక్ష్మీదేవి,జేసీబీ మధుసూదన్ రెడ్డి,కార్మిక నాయకులు మస్తాన్,నాగరాజు,మల్లికార్జున,సుగుణమ్మ,జానకి,మున్సిపల్ సిబ్బంది పాల్గొన్నారు.
రిపోర్టర్ : కే.ఈశ్వర్ రెడ్డి,మదనపల్లి నియోజకవర్గం ఇంచార్జి