పుస్తక పఠనం విజ్ఞానాభివృద్ధికి దోహదపడతాయి
నగరం, మేజర్ న్యూస్: పుస్తక పఠనంతోపాటు డిజిటల్ సమాచార వనరులు విద్యార్థుల విజ్ఞానాభివృద్ధికి ఎంతగానో దోహదపడతాయని, దీనితోపాటు ఆటల్లో రాణించి ఆరోగ్యాన్ని పెంపొందించుకోవాలని మంత్రిపాలెం సచివాలయ డిజిటల్ అసిస్టెంట్ కె. కుమార్ అన్నారు. మంగళవారం మండల పరిధిలోని మంత్రిపాలెం జిల్లా పరిషత్ ఉన్నత పాఠశాల ప్రాంగణంలో మంత్రిపాలెం శాఖా గ్రంథాలయం నిర్వహించిన 59వ గ్రంథాలయ వారోత్సవాల్లో భాగంగా ఆయన కబడ్డీ పోటీలు ప్రారంభించి మాట్లాడారు. కార్యక్రమంలో గ్రంథాలయ నిర్వహణాధికారి జొన్న బ్రహ్మేంద్ర, గ్రామ పెద్దలు, సిబ్బంది తదితరులు పాల్గొన్నారు.