BREAKING
ప్రజాసేవలో చిరస్మరణీయురాలు కటారి అనురాధ మోహన్ వర్ధంతి : ఎమ్మెల్యే నివాళి పొగాకు, మత్తు పదార్థాలకు యువత గురి కాకుండా చర్యలు తీసుకోవాలని జిల్లా కలెక్టర్ డాక్టర్ వినోద్ కుమార్.వి నామినేషన్లకు సర్వంసిద్ధం నేరాల నియంత్రణకు నిరంతర నిఘా : ఎస్పీ మునిపల్లి, రాయికోడ్ మండలాల్లో 1,213 మందికి నూతన పింఛన్ల మంజూరు పత్రాల పంపిణీ విజ్ఞానాన్ని పంచడంలో గ్రంధాలయాలు ప్రముఖ పాత్ర ఉదయగిరి మేజర్ పంచాయతీ వైఎస్సార్ కాంగ్రెస్ పార్టీ అభ్యర్థి గా షేక్ పెద్ద మస్తాన్ బీ ప్రజల సమస్యలు పరిష్కరించడమే మన లక్ష్యం జాబ్ కార్డు ఉన్న ప్రతి నిరుపేదకు పని కల్పించడమే ప్రభుత్వ లక్ష్యం • ఎంపీడీవో జి. అనిల్ కుమార్ ఏఎస్ పేటలో జాతీయ గ్రంథాలయ వారోత్సవాలు మిషన్ సంకల్పం - నేరాల నియంత్రణే లక్ష్యం - నిజామాబాద్ పోలీస్ కమిషనర్ సాయి చైతన్య పిలుపు. గ్రంధాలయం వారోత్సవాలు ఎన్నికల నియమావళిని ఉల్లంఘించినా, శాంతిభద్రతలకు విఘాతం కలిగించినా కఠిన చర్యలు తప్పవు : జిల్లా ఎస్పీ బి.ఉమామహేశ్వర్ దివ్యాంగులు, వృద్ధులకు వీల్‌చైర్లు, వినికిడి యంత్రాలు, వాకింగ్ స్టాండ్స్ పంపిణీ చేసిన ఎమ్మెల్యే నవీన్ యాదవ్ ఇందిరమ్మ టవర్స్ కు విశేష స్పందన - అర్హత కలిగిన వారు డిసెంబర్ 5వ తేదీ లోగా దరఖాస్తు చేసుకోవాలి - కలెక్టర్ ఇలా త్రిపాఠి

మూఢనమ్మకాలను వీడుదాం - మూర్ఛ వ్యాధిని జయిద్దాం!" - డాక్టర్ దాసరి చంద్రశేఖర్

Select Suryaa Now
మూఢనమ్మకాలను వీడుదాం - మూర్ఛ వ్యాధిని జయిద్దాం!" - డాక్టర్ దాసరి చంద్రశేఖర్

పర్చూరు, మేజర్‌న్యూస్‌ : 

మూర్ఛ వ్యాధి (ఎపిలెప్సీ) అనేది కేవలం మెదడుకు సంబంధించిన ఒక నరాల సమస్య మాత్రమేనని, దీనికి సంబంధించిన మూఢనమ్మకాలను వీడి క్రమం తప్పకుండా మందులు వాడితే పూర్తిగా అదుపులో ఉంచుకోవచ్చని ఉప్పుటూరు ప్రభుత్వ హోమియో వైద్యాధికారి డాక్టర్ దాసరి చంద్రశేఖర్ (ఎం.డి. హోమియో) స్పష్టం చేశారు. మంగళవారం 'జాతీయ మూర్ఛ వ్యాధి దినోత్సవం' (National Epilepsy Day) సందర్భంగా స్థానిక ఉప్పుటూరు గ్రామ పంచాయతీ కార్యాలయం వద్ద ప్రజలకు మూర్ఛ వ్యాధి నివారణ మరియు ప్రథమ చికిత్సపై ప్రత్యేక అవగాహన సదస్సు నిర్వహించారు.
ఈ సందర్భంగా డాక్టర్ దాసరి చంద్రశేఖర్ మాట్లాడుతూ మెదడులోని నాడీ కణాలలో అకస్మాత్తుగా విద్యుత్ ప్రకంపనలు అదుపు తప్పడం వల్ల మూర్ఛ (ఫిట్స్) వస్తుందని, ఇది పిచ్చి కానీ, దెయ్యం పట్టడం కానీ, ఒకరి నుండి మరొకరికి సోకే అంటువ్యాధి కానీ కాదని ఆయన వివరించారు. ఎవరికైనా మూర్ఛ వచ్చినప్పుడు భయపడిపోయి వారి చేతిలో ఇనుప వస్తువులు, తాళం చెవులు పెట్టడం లేదా చెప్పులు వాసన చూపించడం వంటి మూఢనమ్మకాలను అనుసరించకూడదని, బదులుగా బాధితుడిని ఒక పక్కకు తిప్పి పడుకోబెట్టి, తల కింద మెత్తని వస్త్రం ఉంచాలని, నోట్లో నీళ్లు లేదా ఇతర వస్తువులు పెట్టకుండా, కదలికలను బలవంతంగా ఆపకుండా జాగ్రత్త వహించాలని సూచించారు. ఒకవేళ మూర్ఛ 5 నిమిషాల కంటే ఎక్కువ సేపు కొనసాగితే వెంటనే 108కు సమాచారం అందించి ఆసుపత్రికి తరలించాలని తెలిపారు. అలాగే, తలకు గాయాలు కాకుండా ద్విచక్ర వాహనం నడిపేటప్పుడు తప్పనిసరిగా హెల్మెట్ ధరించడం, కూరగాయలు మరియు ఆకుకూరలను ఉప్పు నీటితో శుభ్రంగా కడిగి వండటం, మాంసాహారాన్ని బాగా ఉడికించి తినడం, కంటినిండా నిద్రపోవడం మరియు మానసిక ఒత్తిడికి దూరంగా ఉండటం ద్వారా మూర్ఛ వ్యాధిని నివారించుకోవచ్చని అన్నారు. మూర్ఛ వ్యాధిగ్రస్తులు వైద్యుల సలహా మేరకు ఒక్క పూట కూడా మానకుండా మందులు వాడితే 70 నుండి 80 శాతం మంది సాధారణ వ్యక్తుల వలె చదువుకోవచ్చని, ఉద్యోగాలు చేస్తూ సంతోషకరమైన జీవితాన్ని గడపవచ్చని భరోసా ఇచ్చారు. సమాజం వారిని చిన్నచూపు చూడకుండా మనోధైర్యాన్ని అందించాలని పిలుపునిచ్చారు. ఈ కార్యక్రమంలో స్వచ్ఛంద సేవకురాలు కే. నాగరాజా, వైద్యశాలకు వచ్చిన రోగులు, గ్రామస్తులు తదితరులు పాల్గొన్నారు.