ప్రజాసేవలో చిరస్మరణీయురాలు కటారి అనురాధ మోహన్ వర్ధంతి : ఎమ్మెల్యే నివాళి
చిత్తూరు అర్బన్, మేజర్ న్యూస్:చిత్తూరు నగర మాజీ మేయర్ దివంగత కటారి అనురాధ మోహన్ వర్ధంతి సందర్భంగా చిత్తూరు ఎమ్మెల్యే గురజాల జగన్ మోహన్ ఘనంగా నివాళులర్పించారు.మంగళవారం వర్ధంతిని పురస్కరించుకొని కటారి అనురాధ మోహన్ స్మృతి వనం వద్దకు చేరుకున్న ఎమ్మెల్యే గురజాల జగన్ మోహన్, వారి చిత్రపటం వద్ద పుష్పగుచ్ఛాలు ఉంచి ఘనంగా నివాళులర్పించారు.ఈ సందర్భంగా దివంగత కటారి అనురాధ మోహన్ నగరానికి అందించిన సేవలను, ప్రజా జీవితంలో వారు చేసిన కృషిని స్మరించుకున్నారు. ప్రజలతో మమేకమై నగర అభివృద్ధి, ప్రజా సంక్షేమం కోసం వారు చేసిన సేవలు చిరస్మరణీయమని పేర్కొన్నారు. ప్రజాసేవలో వారు చూపిన నిబద్ధత ఎప్పటికీ గుర్తుండిపోతుందని అన్నారు.ఈ కార్యక్రమంలో మేయర్ కటారి హేమలత, మాజీ ఎమ్మెల్సీ దొరబాబు, టిడిపి మహిళా అధ్యక్షురాలు లీలావతి ,కూటమి నాయకులు, ప్రజాప్రతినిధులు, కార్యకర్తలు తదితరులు పాల్గొని దివంగత మేయర్ కు నివాళులర్పించారు.