BREAKING
అడ్డంకులు సృష్టించినా వెనక్కి తగ్గేది లేదు.. అర్హులందరికీ పింఛన్లు ఇప్పించే బాధ్యత నాదే ఆసుపత్రులు, పాఠశాలల్లో పారిశుధ్య నిర్వహణ పట్ల నిర్లక్ష్యం వహిస్తే కఠిన చర్యలు తప్పవని జిల్లా కలెక్టర్ .పి.రాజాబాబు చేర్యాలను వెంటనే రెవెన్యూ డివిజన్‌గా ప్రకటించాలి* పంచాయతీ ఎన్నికలకు కూటమి సంసిద్ధం గెలుపు లక్ష్యంగా నాయకులకు దిశా నిర్దేశం - ఎమ్మెల్యే ముత్తుముల గ్రామీ అవార్డుల చరిత్రలో సరికొత్త మైలురాయి: తొలిసారిగా నామినేషన్ దక్కించుకున్న తమిళ పాట! 12వ వార్డు లబ్ధిదారులకు చేయూత ఆసరా పింఛన్ మంజూరు పత్రాలను అందజేసిన కౌన్సిలర్ పులిమామిడి మమత రాజు ప్రజాసేవలో చిరస్మరణీయురాలు కటారి అనురాధ మోహన్ వర్ధంతి : ఎమ్మెల్యే నివాళి పొగాకు, మత్తు పదార్థాలకు యువత గురి కాకుండా చర్యలు తీసుకోవాలని జిల్లా కలెక్టర్ డాక్టర్ వినోద్ కుమార్.వి నామినేషన్లకు సర్వంసిద్ధం నేరాల నియంత్రణకు నిరంతర నిఘా : ఎస్పీ మునిపల్లి, రాయికోడ్ మండలాల్లో 1,213 మందికి నూతన పింఛన్ల మంజూరు పత్రాల పంపిణీ విజ్ఞానాన్ని పంచడంలో గ్రంధాలయాలు ప్రముఖ పాత్ర ఉదయగిరి మేజర్ పంచాయతీ వైఎస్సార్ కాంగ్రెస్ పార్టీ అభ్యర్థి గా షేక్ పెద్ద మస్తాన్ బీ ప్రజల సమస్యలు పరిష్కరించడమే మన లక్ష్యం జాబ్ కార్డు ఉన్న ప్రతి నిరుపేదకు పని కల్పించడమే ప్రభుత్వ లక్ష్యం • ఎంపీడీవో జి. అనిల్ కుమార్

గ్రంధాలయం వారోత్సవాలు

Select Suryaa Now
గ్రంధాలయం వారోత్సవాలు

నేటి దినపత్రిక సూర్య బ్యూరో రాజమహేంద్రవరం 59వ జాతీయ గ్రంథాలయ వారోత్సవాలను పురస్కరించుకుని అనపర్తి శాఖా గ్రంథాలయం ఆధ్వర్యంలో మంగళవారం విద్యార్థులకు వ్యాసరచన, చిత్రలేఖనం పోటీలు నిర్వహించారు. అనపర్తిలోని శ్రీమతి ద్వారంపూడి బుల్లమ్మాయి జిల్లా పరిషత్ బాలికల ఉన్నత పాఠశాలలో ఈ కార్యక్రమాన్ని నిర్వహించారు.ఈ పోటీలకు పాఠశాల ప్రధానోపాధ్యాయురాలు శ్రీమతి కళ్యాణి ముఖ్య అతిథిగా పాల్గొన్నారు. విద్యార్థుల్లో పుస్తక పఠనంపై ఆసక్తిని పెంపొందించడంతో పాటు వారిలో దాగి ఉన్న సృజనాత్మక ప్రతిభను వెలికితీసేందుకు ఇలాంటి కార్యక్రమాలు ఎంతగానో దోహదపడతాయని ఆమె పేర్కొన్నారు.ఈ సందర్భంగా 'గ్రంథాలయం యొక్క ప్రాముఖ్యత' అనే అంశంపై వ్యాసరచన పోటీలు నిర్వహించారు. విద్యార్థులను జూనియర్, సీనియర్ విభాగాలుగా విభజించారు. 6, 7 తరగతుల విద్యార్థులను జూనియర్ విభాగంలో, 8, 9, 10 తరగతుల విద్యార్థులను సీనియర్ విభాగంలో చేర్చి పోటీలు నిర్వహించారు. అదేవిధంగా విద్యార్థుల్లో కళాత్మక నైపుణ్యాన్ని ప్రోత్సహించే ఉద్దేశంతో చిత్రలేఖనం పోటీలు కూడా నిర్వహించారు.విద్యార్థులు ఉత్సాహంగా పోటీల్లో పాల్గొని తమ ప్రతిభను ప్రదర్శించారు. పుస్తక పఠనం ద్వారా విజ్ఞానాన్ని పెంపొందించుకోవడంతో పాటు పోటీ పరీక్షలకు, భవిష్యత్తు జీవితానికి అవసరమైన జ్ఞానాన్ని సముపార్జించుకోవచ్చని ఈ సందర్భంగా నిర్వాహకులు తెలిపారు.ఈ కార్యక్రమంలో గ్రంథాలయ అధికారి జి. అభిలాష్, ఉపాధ్యాయులు విజయప్రభ, రాజేశ్వరి, రమాకాంత్ తదితరులతో పాటు విద్యార్థినులు అధిక సంఖ్యలో పాల్గొన్నారు.