అధికారులతో సమీక్షించిన కమిషనర్
నెల్లూరు, కార్పొరేషన్, మేజర్ న్యూస్ : నెల్లూరు మున్సిపల్ కార్పొరేషన్ కార్యాలయంలో నెల్లూరు రూరల్ నియోజకవర్గం పరిధిలోని బి.వి. నగర్ నగర్ నందు జరుగుతున్న రైల్వే అండర్ బ్రిడ్జి పనుల పై రైల్వే అధికారులు, ఆర్ అండ్ బి , మున్సిపల్ కార్పొరేషన్, రెవెన్యూ, ఎలక్ట్రిసిటీ, పబ్లిక్ హెల్త్ అధికారులతో కలిసి మంగళవారం సమీక్ష సమావేశం నెల్లూరు మున్సిపల్ కమిషనర్ వై.ఓ. నందన్ నిర్వహించారు.ఈసమావేశంలో తెలుగుదేశం పార్టీ రాష్ట్ర అధికార ప్రతినిధి కోటంరెడ్డి గిరిధర్ రెడ్డి పాల్గొన్నారు .
రైల్వే, ఆర్ అండ్ బి, నెల్లూరు మున్సిపల్ కార్పొరేషన్, రెవెన్యూ, విద్యుత్, పబ్లిక్ హెల్త్ తదితర శాఖల అధికారులు సమావేశంలో పాల్గొని అండర్ బ్రిడ్జి నిర్మాణాన్ని మరింత వేగవంతం చేసేందుకు వివిధ అంశాలపై చర్చించాం అని మున్సిపల్ కమిషనర్ వై.ఓ. నందన్ తెలిపారు.
బి.వి. నగర్ రైల్వే అండర్ బ్రిడ్జి నిర్మాణానికి అవసరమైన శాఖల మధ్య సమన్వయం, స్థల పరిశీలన, విద్యుత్, ఇతర సౌకర్యాల మార్పిడి, నిర్మాణ పనులను మరింత త్వరితగతిన చేసేందుకు వాటి పరిష్కార మార్గాలపై వివిధ శాఖల అధికారులతో కలిసి సమగ్రంగా చర్చించాం అని తెలుగుదేశం పార్టీ రాష్ట్ర అధికార ప్రతినిధి కోటంరెడ్డి గిరిధర్ రెడ్డి తెలిపారు .
బి.వి. నగర్ పరిసర ప్రాంతాల ప్రజలకు ఎంతోకాలంగా అవసరమైన రైల్వే అండర్ బ్రిడ్జి నిర్మాణ పనులను త్వరితగతిన పూర్తి చేసేలా సంబంధిత శాఖలు సమన్వయంతో పనిచేయాలని, అండర్ బ్రిడ్జి నిర్మాణం పూర్తయితే బి.వి. నగర్తో పాటు పరిసర ప్రాంతాల ప్రజలకు రాకపోకలు మరింత సులభతరం కావడంతో పాటు, రైల్వే గేటు వద్ద ఎదురయ్యే ఇబ్బందులు తగ్గనున్నాయనితెలుగుదేశం పార్టీ రాష్ట్ర అధికార ప్రతినిధి కోటంరెడ్డి గిరిధర్ రెడ్డి అన్నారు . ఈ సమావేశంలో నగరపాలక సంస్థ ఈఈ శేషగిరి రావు, ఇన్చార్జి సిపి రఘునాధరావు డిఈ సాయి కృష్ణ వివిధ శాఖల అధికారులు పాల్గొన్నారు.