మల్కాపూర్లో నిబంధనలకు విరుద్ధంగా నిర్మించిన ప్రహరీ గోడల కూల్చివేత
కొండాపూర్ ; మండల పరిధిలోని మల్కాపూర్ శివారులో అనుమతులకు విరుద్ధంగా నిర్మిస్తున్న ప్రైవేట్ వెంచర్లపై పంచాయతీ అధికారులు చర్యలు చేపట్టారు. హెచ్ఎండీఏ తుది అనుమతులు లేకుండానే ప్రాథమిక అనుమతులతో ప్లాట్ల విక్రయాలు చేపట్టడంతో పాటు, అనుమతులు లేకుండా నిర్మించిన ప్రహరీ గోడలను అధికారులు కూల్చివేశారు. పలుమార్లు హెచ్చరికలు, నోటీసులు ఇచ్చినా పట్టించుకోకపోవడంతో ఈ చర్యలు చేపట్టారు.ఈ సందర్భంగా జిల్లా పంచాయతీ అధికారి మాట్లాడుతూ.. నిబంధనలకు విరుద్ధంగా, అనుమతులు లేకుండా ఎక్కడ నిర్మాణాలు చేపట్టినా ఉపేక్షించేది లేదని, బాధ్యులపై శాఖాపరమైన చర్యలు తీసుకుంటామని హెచ్చరించారు.