రాచానుపల్లి సర్పంచ్ అభ్యర్థిగా బండ అంజి యాదవ్ నామినేషన్
రాచానుపల్లి సర్పంచ్ స్థానానికి వైసీపీ మద్దతు అభ్యర్థి బండ అంజి యాదవ్ నామినేషన్
అనంతపురం రూరల్ మేజర్ న్యూస్ : అనంతపురం రూరల్ మండలం రాచానుపల్లి గ్రామపంచాయతీ సర్పంచ్ స్థానానికి వైసిపి మద్దతు అభ్యర్థి బండ అంజి యాదవ్ సోమవారం నామినేషన్ దాఖలు చేశారు. అనంతపురం రూరల్ మండలం పంచాయితీ కార్యాలయంలో ఏర్పాటు చేసిన నామినేషన్ కేంద్రంలో ఎన్నికల అధికారులకు అంజి యాదవ్.. తన మద్దతుదారులతో కలసి నామినేషన్ పత్రాలు అందజేశారు. నామినేషన్ అనంతరం అంజి యాదవ్ మాట్లాడుతూ గత ఐదేళ్లలో సర్పంచ్ గా రాచానుపల్లి అభివృద్ధికి.. ఎంతో కృషి చేశానని తెలిపారు. ఆపదలో ఉన్న పేదలకు ఆర్థిక సాయం అందించానని, అన్ని వర్గాల ప్రజలను కలుపుకొని.. ముందుకెళ్లానని తెలిపారు. గ్రామ ప్రజలు ఆశీర్వదించి.. నన్ను మళ్ళీ సర్పంచ్ గా గెలిపిస్తే.. పంచాయతీని ఆదర్శ పంచాయతీగా తీర్చి దిద్దుతానని తెలిపారు.