మహబూబాబాద్ లో పట్ట పగలే భారీ చోరీ..

మహబూబాబాద్, మేజర్ న్యూస్, పట్టణంలోని రాహుల్‌నగర్ కాలనీలో మంగళవారం పట్టపగలే భారీ చోరీ చోటుచేసుకుంది. ఇంట్లో ఎవరూ లేని సమయంలో తాళం పగలగొట్టి లోపలికి ప్రవేశించిన గుర్తుతెలియని దుండగులు బీరువాలో ఉన్న 5 తులాల బంగారు ఆభరణాలు, 50 తులాల వెండి మరియు రూ.5 లక్షల నగదును ఎత్తుకెళ్లారు.ఇంటికి వచ్చిన బాధితులు చోరీని గుర్తించి వెంటనే పోలీసులకు ఫిర్యాదు చేశారు. కేసు నమోదు చేసుకున్న పోలీసులు దర్యాప్తు చేపట్టారు. ఘటనా స్థలానికి చేరుకుని వేలిముద్రలను సేకరించారు. దొంగలను త్వరగా పట్టుకుని తమకు న్యాయం చేయాలని బాధిత కుటుంబ సభ్యులు కోరుతున్నారు. ఈ ఘటనతో కాలనీలో స్థానికులు భయాందోళనకు గురయ్యారు.

రిపోర్టర్; వోల్లాల సాయి కృష్ణ, మహబూబాబాద్ టౌన్, మహబూబాద్ జిల్లా