మానకొండూరులో ఘనంగా రేమిడి శ్రీనివాస్ రెడ్డి జన్మదిన వేడుకలు

సూర్య - మానకొండూర్: మానకొండూరు మండల కేంద్రంలో మాధవి సీడ్స్ అధినేత, ఉమ్మడి కరీంనగర్ జిల్లా సీడ్స్ అసోసియేషన్ ఉపాధ్యక్షులు, మానకొండూరు వ్యవసాయ మార్కెట్ కమిటీ వైస్ చైర్మన్ రేమిడి శ్రీనివాస్ రెడ్డి జన్మదిన వేడుకలను మండల కాంగ్రెస్ పార్టీ ఆధ్వర్యంలో ఘనంగా నిర్వహించారు.ఈ కార్యక్రమానికి మార్కెట్ కమిటీ చైర్మన్ రేపల్లి రాజలింగం, జిల్లా ఉపాధ్యక్షులు నందగిరి రవీంద్రచారి ముఖ్య అతిథులుగా విచ్చేసి కేక్ కట్ చేసి శ్రీనివాస్ రెడ్డికి జన్మదిన శుభాకాంక్షలు తెలిపారు.ఈ సందర్భంగా మార్కెట్ కమిటీ చైర్మన్ రేపల్లి రాజలింగం మాట్లాడుతూ  శ్రీనివాస్ రెడ్డి ఎల్లప్పుడూ రైతు శ్రేయస్సే ధ్యేయంగా పనిచేస్తున్నారని కొనియాడారు. వ్యాపారవేత్తగా, మార్కెట్ కమిటీ వైస్ చైర్మన్‌గా ఆయన అందిస్తున్న సేవలు అభినందనీయమని, భవిష్యత్తులో ఆయన మరిన్ని ఉన్నత పదవులు అధిరోహించి ప్రజలకు సుదీర్ఘకాలం సేవలు అందించాలని ఆకాంక్షించారు. ఆయన ఎల్లప్పుడూ ఆయురారోగ్యాలు, అష్టైశ్వర్యాలతో వర్ధిల్లాలని దేవుడిని ప్రార్థిస్తున్నట్లు తెలిపారు.ఈ కార్యక్రమంలో నాయకులు ఊటూరు సొసైటీ చైర్మన్ ముద్దసాని శ్రీనివాస్ రెడ్డి, తోట శ్రీనివాస్, రామిడి తిరుమల్ రెడ్డి, మాశం రామకృష్ణ, ముక్కెర సతీష్,ననుమాల బాబురావు,రామినేని రమణ, మాశం రామకృష్ణ,కాంగ్రెస్ పార్టీ శ్రేణులు,అభిమానులు పెద్ద ఎత్తున పాల్గొని ఆయనకు మిఠాయిలు తినిపించి జన్మదిన శుభాకాంక్షలు తెలియజేశారు.