చికెన్ ధరలు ధమాల్..

తెలుగు రాష్ట్రాల్లో చికెన్ ధరలు ఒక్కసారిగా కుప్పకూలాయి. కార్తీక మాసం సమీపిస్తుండటంతో చికెన్‌కు డిమాండ్ తగ్గి పౌల్ట్రీ మార్కెట్‌లో ధరలు భారీగా పడిపోయాయి. కేవలం వారం రోజుల వ్యవధిలోనే కిలో చికెన్‌పై రూ.50 వరకు తగ్గడం గమనార్హం. ప్రస్తుతం హైదరాబాద్‌లో కిలో స్కిన్‌లెస్ చికెన్ ధర రూ.252గా ఉండగా, విజయవాడలో రూ.266 పలుకుతోంది. కోడిగుడ్ల ధరలు సైతం తగ్గి డజను రూ.80కి చేరుకున్నాయి. ధరలు తగ్గడంతో చికెన్ ప్రియులకు ఊరట లభిస్తుండగా, పౌల్ట్రీ రైతులు మాత్రం ఆందోళన చెందుతున్నారు. డిమాండ్ పడిపోవడంతో రైతుల ఆదాయంపై ప్రభావం పడుతోంది. కార్తీక మాసం ముగిసే వరకు చికెన్ ధరలు ఇదే స్థాయిలో కొనసాగే అవకాశం ఉందని వ్యాపార వర్గాలు అంచనా వేస్తున్నాయి.