లారీ ఢీకొని ద్వి చక్ర వాహనదారుడు దుర్మరణం

మహాదేవపూర్, మేజర్ న్యూస్, ఇసుక లారీ ఢీకొని ఓ ద్విచక్ర వాహనదారుడు అక్కడికక్కడే మృతి చెందిన ఘోర ప్రమాదం మహాదేవపూర్ మండలంలో చోటుచేసుకుంది. స్థానికులు, పోలీసు తెలిపిన వివరాల ప్రకారం మహాదేవపూర్ మండలం బీరసాగర్ ఇసుక క్వారీ సమీపంలో ఇసుక లోడ్‌తో వస్తున్న లారీ, ప్రధాన రోడ్డుపైకి వస్తుండగా ఎదురుగా వస్తున్న ద్విచక్ర వాహనాన్ని తీవ్రంగా ఢీకొట్టింది. ఈ ప్రమాదంలో బైక్‌పై ప్రయాణిస్తున్న వ్యక్తి తీవ్ర గాయాల పాలై అక్కడికక్కడే ప్రాణాలు కోల్పోయాడు. ప్రమాద తీవ్రత ఎక్కువగా ఉండటంతో మృతుడి ముఖం పూర్తిగా నుజ్జునుజ్జై గుర్తుపట్టలేని విధంగా మారింది.
సమాచారం అందుకున్న పోలీసులు వెంటనే ఘటనా స్థలానికి చేరుకుని పరిస్థితిని సమీక్షించారు. మృతదేహాన్ని పరిశీలించి, ప్రమాదానికి గల కారణాలపై విచారణ జరుపుతున్నారు. మృతుడు ఎవరనేది గుర్తించాల్సి ఉందని, కేసు నమోదు చేసుకుని పూర్తి వివరాలు సేకరిస్తున్నామని పోలీసులు తెలిపారు. ఇసుక లారీల అతివేగమే ఈ ప్రమాదానికి కారణమని స్థానికులు ఆగ్రహం వ్యక్తం చేస్తున్నారు.

రిపోర్టర్: ప్రకాష్, మహదేవపూర్, జయశంకర్ జిల్లా భూపాలపల్లి