యాసంగిలో వరికి బదులు ఆరుతడి పంటలు సాగు చేయాలి

సూర్య, మాక్లూర్ :మాక్లూర్ మండలంలోని గుంజీలి, ధర్మోర గ్రామాల్లో యాసంగి సీజన్‌లో ఆరుతడి పంటల సాగుపై వ్యవసాయ శాఖ ఆధ్వర్యంలో రైతులకు అవగాహన సదస్సులు నిర్వహించారు. ఈ సందర్భంగా వ్యవసాయ విస్తరణ అధికారి నరేష్ మాట్లాడుతూ.. ఎల్‌నినో ప్రభావం, వర్షాభావ పరిస్థితుల కారణంగా భూగర్భ జలాలు తగ్గిపోయే అవకాశం ఉందని, అదేవిధంగా విద్యుత్ కొరత కూడా ఏర్పడే పరిస్థితులు ఉన్నాయని తెలిపారు.ఈ నేపథ్యంలో రైతులు యాసంగి సీజన్‌లో వరి సాగుకు బదులుగా తక్కువ నీటితో పండే ఆరుతడి పంటలైన పప్పుధాన్యాలు, నూనెగింజల పంటల సాగుకు ప్రాధాన్యత ఇవ్వాలని సూచించారు. నీటి లభ్యతను దృష్టిలో ఉంచుకొని పంటల ఎంపిక చేసుకోవాలని, ప్రత్యామ్నాయ పంటల సాగుపై రైతులు ప్రత్యేక దృష్టి సారించాలని కోరారు.ఈ కార్యక్రమంలో గుంజీలి సర్పంచ్ గోపు గోపి, ఉపసర్పంచ్ జింక సుమన్, ధర్మోర సర్పంచ్ పందిరి శ్రీనివాస్, ఆయా గ్రామాల రైతులు పాల్గొన్నారు.