పవర్‌గూడలో ఉచిత ట్యూషన్ కార్యక్రమం ప్రారంభం

సూర్య జైనూర్: కొమురం భీం ఆసిఫాబాద్ జిల్లా జైనూర్ మండలంలోని పవర్‌గూడ గ్రామంలో యూత్ ఫర్ సేవ, ఏకలవ్య ఫౌండేషన్ ఆధ్వర్యంలో విద్యార్థుల విద్యాభివృద్ధి కోసం ఉచిత ట్యూషన్ కార్యక్రమాన్ని ప్రారంభించారు. ఈ కార్యక్రమాన్ని గ్రామ సర్పంచ్ తొడసం రాజేందర్ ప్రారంభించారు.

ఈ సందర్భంగా సర్పంచ్ మాట్లాడుతూ గ్రామీణ ప్రాంత విద్యార్థులకు నాణ్యమైన విద్య అందించేందుకు ఉచిత ట్యూషన్ కార్యక్రమం ఎంతో ఉపయోగకరమని తెలిపారు. విద్యార్థులు ఈ అవకాశాన్ని సద్వినియోగం చేసుకొని చదువులో రాణించి ఉన్నత స్థాయికి ఎదగాలని ఆకాంక్షించారు.ఈ కార్యక్రమంలో గ్రామ సర్పంచ్ తొడసం రాజేందర్‌తో పాటు గ్రామస్తులు, పటేల్‌లు, దేవరీలు, గ్రామ పెద్దలు పాల్గొన్నారు. విద్యార్థుల భవిష్యత్తును దృష్టిలో పెట్టుకొని ఉచిత ట్యూషన్ కార్యక్రమాన్ని ప్రారంభించిన యూత్ ఫర్ సేవ, ఏకలవ్య ఫౌండేషన్ ప్రతినిధులను గ్రామస్తులు అభినందించారు.