telangana
మలక్‌పేటలో సివిల్ సప్లై అధికారుల మెరుపు దాడులు
మలక్‌పేట సర్కిల్ పరిధిలో బ్లాక్ మార్కెటింగ్, అధిక ధరలు, తూకంలో మోసాలపై సివిల్ సప్లై అధికారులు మెరుపు దాడులు నిర్వహించారు. మొత్తం 36 దుకాణాలు, బియ్యం గోదాముల్లో తనిఖీలు చేపట్టి నిబంధనలు ఉల్లంఘించిన నాలుగు వ్యాపార సంస్థలపై కేసులు నమోదు చేశారు. ట్రేడ్ లైసెన్సులు, జీఎస్టీ, ఎఫ్‌ఎస్‌ఎస్‌ఏఐ అనుమతుల్లో లోపాలతో పాటు తూకంలో మోసాలను గుర్తించారు. ప్రముఖ మాల్‌లోనూ అధిక ధరల విక్రయాలను గుర్తించినట్లు అధికారులు తెలిపారు. నిబంధనలు ఉల్లంఘిస్తే కఠిన చర్యలు తీసుకుంటామని సివిల్ సప్లై అధికారి నర్సింగ్ రావు హెచ్చరించారు.
