రైతు గర్జన సభ విజయవంతం చేసిన ప్రతి ఒక్కరికీ కృతజ్ఞతలు.

సూర్య,  బేల :ఆదిలాబాద్ జిల్లా కేంద్రంలోని డైట్ మైదానంలో నిర్వహించిన రైతు గర్జన సభను విజయవంతం చేసిన ప్రతి ఒక్కరికీ బీఆర్ఎస్ పార్టీ   తరఫున మాజీ గ్రంథాలయ సంస్థ చైర్మన్ రావుత్ మనోహర్ కృతజ్ఞతలు తెలిపారు. మంగళవారం బేల మండల కేంద్రంలో ఏర్పాటు చేసిన విలేకరుల సమావేశంలో మాట్లాడుతూ 
రైతు గర్జన సభకు బేల మండలంతో పాటు వివిధ గ్రామాల నుంచి పెద్ద సంఖ్యలో రైతులు, పార్టీ నాయకులు, కార్యకర్తలు తరలివచ్చి సభను విజయవంతం చేయడం సంతోషకరమన్నారు.  రైతుల సమస్యలపై బీఆర్ఎస్ పార్టీ చేపట్టిన ఈ కార్యక్రమానికి ప్రజలు స్వచ్ఛందంగా తరలిరావడం పార్టీ పట్ల వారికున్న అభిమానానికి నిదర్శనమన్నారు. సభ విజయవంతానికి కృషి చేసిన ప్రతి ఒక్కరికీ పేరుపేరునా కృతజ్ఞతలు తెలిపారు. 
ఈ సమావేశంలో నాయకులు  దేవన్న, జక్కుల మధుకర్,  మాస్కే తేజరావు, సతీష్ పవర్, సర్పంచ్ కోడే విపిన్, తన్వీర్ ఖాన్, విశాల్ గోడే తదితరులు ఉన్నారు.