కొండగట్టులో ఘనంగా ముగిసిన పవిత్రోత్సవాలు

సూర్య జగిత్యాల ప్రతినిధి:  జిల్లాలోని 
కొండగట్టు శ్రీ ఆంజనేయ స్వామి దేవస్థానంలో మూడు రోజులుగా వైభవంగా నిర్వహించిన పవిత్రోత్సవాలు శనివారం ఘనంగా ముగిశాయి. పవిత్రోత్సవాల చివరి రోజు  ఉదయం శ్రీ ఆంజనేయ స్వామి వారికి ప్రత్యేక అభిషేకం నిర్వహించి, అనంతరం పట్టు వస్త్రాలతో విశేషంగా అలంకరించారు. యాగశాలలో అర్చకులు వేద మంత్రోచ్ఛారణల మధ్య మూలమంత్ర హోమాలను నిర్వహించి, అనంతరం మహాపూర్ణాహుతి కార్యక్రమాన్ని శాస్త్రోక్తంగా నిర్వహించారు. ఆలయ ఇఓ అంజనరెడ్డి, స్థానాచార్యులు కపిందర్, సూపరింటెండెంట్, అర్చకులు,ఆలయ సిబ్బంది, నాయకులు ఎడమల పద్మా రెడ్డి, పబ్బతి విమల నారాయణ రెడ్డి, కిషన్ రెడ్డి పాల్గొన్నారు.