బాలికపై అఘాయిత్యానికి పాల్పడిన నిందితుడికి కఠిన శిక్ష పడేలా చర్యలు తీసుకుంటాం: ఎమ్మెల్యే బి. ఎన్. విజయ్ కుమార్
నాగులుప్పులపాడు, మేజర్‌న్యూస్ :
నాగులుప్పలపాడు మండలం చదలవాడ గ్రామంలోని ఎస్సీ కాలనీలో ఆరేళ్ల బాలికపై అత్యాచారం జరిగిన ఘటన తీవ్ర దిగ్భ్రాంతికి గురిచేసింది. ఈ ఘటన విషయం తెలిసిన వెంటనే సంతనూతలపాడు నియోజకవర్గ శాసనసభ్యులు గౌ. శ్రీ బి. ఎన్. విజయ్ కుమార్ గారు చదలవాడ గ్రామానికి చేరుకుని బాధిత బాలిక కుటుంబ సభ్యులను పరామర్శించారు. ఈ సందర్భంగా బాధిత కుటుంబ సభ్యులతో మాట్లాడిన ఎమ్మెల్యే గారు, *బాధిత కుటుంబానికి అన్ని విధాలా అండగా ఉంటామని, వారికి న్యాయం జరిగేలా కృషి చేస్తామని* భరోసా ఇచ్చారు. అనంతరం ఎమ్మెల్యే గారు స్వయంగా జిల్లా ఎస్పీ గారికి ఫోన్ చేసి ఘటన వివరాలను చర్చించారు. ఈ దారుణానికి పాల్పడిన నిందితుడిపై చట్ట ప్రకారం కఠిన చర్యలు తీసుకోవాలని, కేసు విచారణను సమర్థవంతంగా నిర్వహించి బాధిత కుటుంబానికి న్యాయం జరిగేలా చూడాలని కోరారు. ఆరేళ్ల బాలికపై జరిగిన ఈ అమానవీయ ఘటనను తీవ్రంగా ఖండించిన ఎమ్మెల్యే గారు, ఇటువంటి నేరాలకు పాల్పడే వారిపై చట్టపరంగా కఠిన చర్యలు తీసుకోవాల్సిన అవసరం ఉందని పేర్కొన్నారు. బాధిత కుటుంబానికి అండగా ఉంటామని,వారికి న్యాయం జరిగే వరకు తగిన విధంగా సహకరిస్తామని హామీ ఇచ్చారు.
