telangana
మూడు క్వింటాళ్ల పీడీఎస్ బియ్యం పట్టివేత
సూర్య, పెంచికల్‌పేట్: అక్రమంగా తరలిస్తున్న మూడు క్వింటాళ్ల పీడీఎస్ బియ్యాన్ని పెంచికల్‌పేట్ పోలీసులు స్వాధీనం చేసుకున్నారు. మంగళవారం మధ్యాహ్నం 3 గంటల సమయంలో మండలంలోని పెద్దవాగు బ్రిడ్జి వద్ద తనిఖీలు నిర్వహిస్తుండగా ఈ బియ్యం పట్టుబడినట్లు ఎస్సై అనిల్ కుమార్ తెలిపారు. దహెగాం మండలం లగ్గం గ్రామం నుంచి కాగజ్‌నగర్‌కు బియ్యాన్ని తరలిస్తుండగా గుర్తించి స్వాధీనం చేసుకున్నట్లు పేర్కొన్నారు. పేదలకు పంపిణీ చేయాల్సిన పీడీఎస్ బియ్యాన్ని అక్రమంగా తరలిస్తే చట్టపరమైన చర్యలు తప్పవని హెచ్చరించారు. ఈ ఘటనపై కేసు నమోదు చేసి దర్యాప్తు చేస్తున్నట్లు ఎస్సై వెల్లడించారు.
