రెండు ఎంపీటీసీ స్థానాలు తెదేపా ఏకగ్రీవం.

12 స్థానాలలో 28 మంది అభ్యర్థులు పోటీ.

అద్దంకి మండలంలో ఎంపీటీసీ ఎన్నికల ప్రక్రియ రసవత్తరంగా సాగుతోంది. నామినేషన్ల ఉపసంహరణ చివరి రోజైన మంగళవారం నాటికి మండల పరిధిలోని రాజకీయ సమీకరణాలు పూర్తిగా మారిపోయాయి. సంబంధిత వివరాలను రిటర్నింగ్ అధికారి రవికుమార్ వెల్లడించారు. మండలంలో మొత్తం 14 ఎంపీటీసీ స్థానాలకు గాను నామినేషన్ల పరిశీలన అనంతరం 68 మంది అభ్యర్థులు పోటీలో ఉన్నారు. నామినేషన్ లో ఉపసంహరణ ప్రక్రియ పూర్తయ్యేసరికి రెండు ఎంపీటీసీ స్థానాలు తెలుగుదేశం పార్టీకి ఏకగ్రీవం కాగా 38 మంది అభ్యర్థులు తమ నామినేషన్ పత్రాలను ఉపసంహరించుకున్నారు. మిగిలిన 12 చోట్ల 28 మంది అభ్యర్థులు పోటీలో ఉన్నారు. పోటీలో ఉన్న అభ్యర్థులకు గుర్తులు కేటాయించి, నిష్పాక్షికంగా ఎన్నికల నిర్వహణకు అన్ని ఏర్పాట్లు పూర్తి చేస్తున్నట్లు రిటర్నింగ్ అధికారి తెలియజేశారు.

ఏకగ్రీవమైన ఎంపీటీసీ స్థానాలు...

మండలంలోని కలవకూరు ఎంపీటీసీ స్థానాన్ని తెదేపా అభ్యర్థి సందెపాం జేమ్స్, దేనువకొండ ఎంపీటీసీ స్థానాన్ని తెదేపా అభ్యర్థి ఇండ్ల వెంకాయమ్మ  కైవసం చేసుకుని ఏకగ్రీవంగా నిలిచారు. ఈ రెండు స్థానాల్లో ఇతర అభ్యర్థులు తమ నామినేషన్లను ఉపసంహరించుకోవడంతో తెదేపా అభ్యర్థుల ఎన్నిక ఏకగ్రీవమైనట్లు అధికారులు ప్రకటించారు.