డ్రంక్ అండ్ డ్రైవ్ కేసుల్లో 17 మందికి జైలు శిక్ష

మేడ్చల్, మేజర్ న్యూస్:మద్యం సేవించి వాహనాలు నడిపితే జైలు శిక్ష తప్పదని మేడ్చల్ కోర్టు తీర్పు స్పష్టం చేసింది. మేడ్చల్ ట్రాఫిక్ పోలీసులు నమోదు చేసిన 24 డ్రంక్ అండ్ డ్రైవ్ కేసులను మంగళవారం విచారించిన న్యాయస్థానం, 17 మందికి జైలు శిక్ష విధించడంతో పాటు మొత్తం రూ.22,500 జరిమానా విధించింది. ఇందులో 11 మందికి రెండు రోజులు, నలుగురికి మూడు రోజులు, ఇద్దరికి ఐదు రోజుల చొప్పున జైలు శిక్ష విధించింది. మద్యం సేవించి డ్రైవింగ్ చేయడం వల్ల వాహనదారులతో పాటు ఇతరుల ప్రాణాలకు ముప్పు వాటిల్లుతుందని, ట్రాఫిక్ నిబంధనలు తప్పనిసరిగా పాటించాలని పోలీసులు సూచించారు.

రిపోర్టర్: తలారి శివకుమార్, మేడ్చల్.