మార్కాపురంలో జిల్లా ప్రజాప్రతినిధుల కీలక భేటీ

మార్కాపురం, మేజర్‌ న్యూస్‌ :
స్థానిక మార్కెట్ యార్డులో జిల్లా ఎన్నికల ఇంచార్జి, ఎమ్మెల్సీ బీటీ.నాయుడు గారి అధ్యక్షతన జిల్లాలోని కూటమి ప్రజాప్రతినిధుల సమన్వయ సమావేశం జరిగింది..ఈ సమావేశంలో రాష్ట్ర మంత్రి గొట్టిపాటి రవికుమార్ గారు, జిల్లా పార్టీ అధ్యక్షుడు ముక్కు ఉగ్ర నరసింహారెడ్డి గారు, మార్కాపురం ఎమ్మెల్యే కందుల నారాయణ రెడ్డి గారు,గిద్దలూరు ఎమ్మెల్యే ముత్తుముల అశోక్ రెడ్డి గారు,ఎర్రగొండపాలెం టీడీపీ ఇంచార్జి గూడూరి ఎరిక్షన్ బాబు గారు తదితరులు పాల్గొన్నారు. రాబోయే స్థానిక సంస్థల ఎన్నికల్లో టీడీపీ, బీజేపీ, జనసేన కూటమి పార్టీల మధ్య సీట్ల సర్దుబాటు, ఎన్నికల వ్యూహాలు మరియు జిల్లా పరిషత్ చైర్మన్ అభ్యర్థి ఎంపిక తదితర కీలక అంశాలపై నేతలు సుదీర్ఘంగా చర్చించారు. కూటమి నేతలంతా సమన్వయంతో పనిచేసి ఎన్నికల్లో విజయమే లక్ష్యంగా ముందుకు సాగాలని నిర్ణయించారు.