ఖానాపురంలో బాల గ్రామసభ

ఖానాపురం, మేజర్ న్యూస్, ఖానాపురం గ్రామ పంచాయతీ కార్యాలయయం ఆవరణలో బాల గ్రామ సభ ఘనంగా నిర్వహించారు. సర్పంచ్ దాసరి రమేష్ అధ్యక్షత వహించిన ఈ సభలో పిల్లల విద్య, పాఠశాల మౌలిక వసతులు, సెల్ ఫోన్ నియంత్రణ, బాలల హక్కులు, బాల్య వివాహాల నిర్మూలన, డ్రగ్స్ బారిన పడవద్దనే అంశాలపై చర్చించారు. ఈ సందర్భంగా సర్పంచ్ మాట్లాడుతూ పిల్లలే మన భవిష్యత్తు అని, గ్రామాన్ని బాలలకు అనుకూల గ్రామంగా తీర్చిదిద్దుతామని అన్నారు. కార్యక్రమంలో పంచాయతీ కార్యదర్శి రాజశేఖర్, హెచ్ఎం కుమారస్వామి, వార్డు సభ్యులు గుండ్లపల్లి విజయ్, వేములపల్లి వెంకట ప్రసాద్ రావు, ఇలపాంగు కొమురమ్మ, గుండ్లపల్లి మంజుల, ఏఎన్ఎం, ఆశా వర్కర్లు, అంగన్ వాడీలు, ఉపాధ్యాయులు, విద్యార్థులు, గ్రామస్తులు పాల్గొన్నారు.

రిపోర్టర్ ;అనిల్ కుమార్, కానాపురం వరంగల్ జిల్లా